Shillong, Jan 23: Ban kynmaw burom ia ka jingnoh synniang sha ka jingiakhun ba ka ri kan ioh ia ka jinglaitluid, hynne ka sngi la rakhe iaka lyngkhuh sngikha jong u Subhas Chandra Bose.
Ia kane ka jingrakhe la rakhe ha kylleng ka ri bad ha ka jylla Meghalaya ruh kumjuh bad kane ka jingrakhe kaba mynta ka kynti kadei ka jingdap 126 snem u Chandra Bose.
Ha ka sien kaba nyngkong eh la rakhe iaka Sngikha u Bose kum u Parakram Divas ha u snem 2021.
Ha nongbah Shillong, la rakhe ia kane ka sngi ha kylleng ki jaka, ha ka por mynstep la pynlong iaka prokram ha State Central Library bad ha ka por janmiet la pynlong iaka prokram ha Jail Road, Shillong.
Kine ki jingrakhe ka long ban kynmaw bad ban leh burom ia u Subhash Chandra Bose halor ka jingnoh synniang bad ka jinglen lade na ka bynta ka ka jingialeh ban pynioh jinglaitluid iaka ri.
U Bose udei uwei na ki riewkhraw ka ri, u politician bad u nongialeh laitluid bad ia kane ka sngi la niew burom ia une u khla wait bad ban pynshlur ia ki samla ka ri ba kin bud ia ki dienjait jongu bad ba kin long ki briew kiba don iaka mynsiem ieid ri.
