Nongpoh, October 10: Ka District Hub for Empowerment of Women ha Ri-Bhoi District, kala rakhe ia ka sngi ki Khynnah Kynthei ne ka Girl Child day hynne ka sngi Palei ha Prime Hub Umdihar.
Ka matpdeng jong kane ka jingrakhe mynta u snem ka long “Girls’ Vision for the Future.”
U Bah Orville Isaac Massar, Deputy Commandant jong ka 6th Battalion ula pynshongkun ia kane ka jingrakhe kum u kongsan ha ka jingiadonlang ka kong F.N. Sun, District Social Welfare Officer, kong S.M. Bang, District Programme Officer Ri Bhoi Distric bad Deborah Rapsang District Hub for empowerment of women.
Haba ai jingkren, u Bah Massar ula ban jur ia ka jingdonkam ban pynlong ia kum kine ki prokram ban pynsngewthuh ia ki samla bad ban pynshlur ia ki kmie kpa ba kin kyrshan iala ki khun ki kti ba kin iashimbynta. Ula kren ruh halor kiwei ki jingeh ba mynta ba kynthup ia ka jingdih droks bad ka koit ka khiah ha ka bor pyrkhat.
Ki nongkren kila kren ruh halor ki mat kiba kongsan ha kane ka jingrakhe ba kynthup ia ka jingapmet khynnah bad ka pule ka dangle.
