Shillong, Risaw 10 : Ki Pulit Special Task Force (STF) ka Assam, kila kem ia 3 ngut ki nong Meghalaya kiba suba donkti ha ka jingpyniaid iew ia ki pisa thok ha Guwahati, ha kane ka jinglehniam Puja.
Ia kine ki briew la kem ha ka thain Sunderpur, Guwahati ha ka sngi Ba-ar.
Kine ki 3 ngut ki dei ki nongshongshnong ka shnong Pyndengrei, Nongstoin, West Khasi Hills bad la tip kyrteng ia ki da u Nicholas Shangpliang ba 56 snem, u khun Ariven K Marwein ba 31 snem bad u u Shembok Nongsiej ba 37 snem ka rta.
Ha ka jingtalasi, ka STF kala ioh kurup haduh 46 tylli ki kot 500 kiba dei ki pisa thok. Kane ka jingkhynra ka dei kaba la pyn long kum shibynta ban tehlakam ia ka jingpyniaid ia ki pisa thok bad ki kam be-ain hapoh ka Nongbah ha kane ka jingleh niam puja.
Ka jingtohkit ia kine ki briew kala iaid shakhmat ban sei madan shuh shuh ia ki kam khaii pisa thok.
 ka Assam, kila kem ia 3 ngut ki nong Meghalaya kiba suba donkti ha ka jingpyniaid iew ia ki pisa thok ha Guwahati, ha kane ka jinglehniam Puja.){kind=link}