Shillong, Iaiong 7: Ka seng sain pyrthei Bharatiya Janata Party (BJP) kala rakhe ia ka jingdap 46 snem ka jongka da kaba pynlong ia ki prokram ki bapher ha kylleng ka jylla Meghalaya.
Ki nongialam jong ka seng kila pynher ia ka lama jong ka BJP bad kila kynmaw burom ia ki nongialam kiba radbah jong kane ka seng kiba kynthup ia u Atal Bihari Vajpayee, u L.K. Advani bad u Murlimanohar, kiba dei ki nongialam kiba la don ia la ka jingiohi jngai, ban kyntiew, ban pyniatylli bad ban pynlong ia ka ri kaba khlain kaba la lam ruh ia ki sha ka lynti ban thaw ia kane ka seng sain pyrthei kaba la wanrah ia ka jingkylla ha ka synshar khaddar hapoh ka ri India.
Ka rukom ai jingshakri kaba la iaid ha kata ka rukom ha kaba la sei ia ki nongialam na ki shnong ki thaw bad la saindur bad pynkupbor ia ki, da ka seng BJP, ha ka jaka jong ka jingpynhiar pateng ia ka rukom synshar khaddar na ka longiing kaba dei kaba ju jia bha ha ka kam sain pyrthei hapoh ka ri India.
La pynpaw ruh ba ka jinglong politishan ki riewpaidbah kala wanrah ruh ia ka jingkylla da kaba wanrah ia ki skhim kiba la kyntiew ia ka jingim jong ki paidbah ka ri.
Da ka jingmut jong ka jingiakhih la pynwandur ia ka seng ha ka 6 tarik u Iaiong 1980 bad kala ai sha ka ri ia ki ar ngut ki Myntri Rangbah duh kiba tbit kiba kynthup ia u Atal Bihari Vajpayee bad u Narendra Modi.
Ka ophs treikam jong ka BJP Meghalaya kala pynlong ia kane ka jingrakhe, ha kaba u President ka seng u Rikman G Momin ula pynher ia ka lama ka seng bad u
General Secretary u Wankitbok Pohshna bad kiwei kiwei ki nongialam kiba la wan iashimbynta lang.
Ka BJP Meghalaya kala pynhreh ruh ia ki prokram kiban iaid baroh shi taiew kaban kynthup ia ka jingpynkhuid shnong, ka jingnoh synniang ia ka snam bad kiwei kiwei bad yn pynkut pat ha ka 14 tarik u Iaiong kaba dei ka lyngkhuh sngikha jong u B.R. Ambedkar.
 kala rakhe ia ka jingdap 46 snem ka jongka da kaba pynlong ia ki prokram ki bapher ha kylleng ka jylla Meghalaya.){kind=link}