Shillong, Nohprah 05: U President ka Khasi Authors’ Society (KAS) Dr DRL Nonglait ha ka sngi Nyngkong, ula rai ban nym iakhun shuh ia ka elekshon Lok Sabha, ka ban long ha u snem ban wan.
U Dr Nonglait haba iakren bad ki nongthoh khubor ula iathuh ba ula iohi ia ka kyrteng jong u kum uwei na ki kyrtong ba pan ticket na ka United Democratic Party (UDP) na Shillong Parliamentary Seat.
Hynrei ula ong ba ka jingshisha hi ka dei ba u khlem leit kyrpad satia ia ka UDP ban ai ticket.
“Ngim kah ruh ban kyntait ia ka jingshisha ba ki don katto katne na ki Nongialam bad ki dkhot ka UDP kiba la wan iakren ia nga bad tyrwa ia ka kyrteng jong nga” ong u Dr Nonglait.
U ong ba hadien ka jingwan phai n aka jingiakhih ha Delhi ban dawa pynrung ia ka ktien Khasi ha ka khyrnit ba phra jong ka riti synshar ka ri, ula iakynduh ia ki nongialam ka UDP.
“Hadien ka jingiakren bniah, nga sngewthuh ba ngam lah ban iehnoh ia ka kam ba nga bat mynta (President ka KAS). Kumta, ngan ym aplai ia ka ticket na ka UDP lane na kino kino ki seng sain pyrthei” ong u Dr Nonglait.
Une u President ka KAS ula pynpaw ba u dang kwah ban ialam ia ka seng khamtam haba ka samoi treikam jong u kan kut tad haduh u snem 2025, ban ioh buddien ia ki jingdawa ba sahteng.
 Dr DRL Nonglait ha ka sngi Nyngkong, ula rai ban nym iakhun shuh ia ka elekshon Lok Sabha, ka ban long ha u snem ban wan.){kind=link}