spot_img

Rai pynduh noh ka Sorkar ia ka Ain nongshongdukan madan ka Jylla, yn pyntreikam noh da jong ka Sorkar Pdeng

Date:

Share post:

Shillong, Nailar 24: Ka Sorkar Jylla hynne ka sngi Balang kala rai ban pynduh noh ia ka Meghalaya Street Vendors (Protection of Livelihood and Regulation of Street Vending) Act, 2014 khnang ba kan lah pyntreikam noh da ka Street Vendors (Protection of Livelihood and Regulation of Street Vending) Act, 2014 jong ka Sorkar Pdeng.

Kane ka rai ka dei kaba la shim da ka jingialang jong ka Kynhun Myntri bala pyniaid da u Myntri Rangbah ka Jylla Conrad Kongkal Sangma.

“Ngi la iakren ia kane ka kam bad ka kynhun Myntri kala ai jingmynjur ban pynduh noh ia ka Ain jong ka Jylla” ong u Myntri kam Ain James K Sangma haba iakren bad ki lad pathai khubor hadien ka jingialang.

U James u ong ba ka Sorkar Jylla kala thaw ia ka Ain Meghalaya Street Vendors Protection of Livelihood and Regulation of Street Vending Act, 2014 bad ka Sorkar Pdeng ruh kala pynlong ia ka Street Vendors (Protection of Livelihood and Regulation of Street Vending) Act ha u bnai Lber 2014.

“Ha ka jingiakren bad ka Ministry of Housing and Urban Affairs, ka Tnad kala jam shakhmat ban wanrah ia kane ka mat iatai ha ka kynhun Myntri ban pynduh noh ia ka Meghalaya Street Vendors Protection of Livelihood and Regulation of Street Vending Act, 2014 bad ha ka jaka jong ka, yn pyntreikam noh da ka ain ka Sorkar Pdeng,” ong u James.

Nalor kane, u Myntri u pyntip b aka Sorkar Jylla kala mynjur ruh ia ka Meghalaya Street Vendors (Protection of Livelihood and Regulation of Street Vending) Rules, 2022.

“Kane ka dei tang ka jingmynjur ban pyntreikam ia ka Ain ka Sorkar Pdeng bad nalor kane, ngi hap ruh ban thaw ia ki Rules” ula ong.

Ha ka 16 tarik Nailar, ka Iingkashari Meghalaya High Court kala bthah ia ka Sorkar Jylla ban khmih ia ka jingshong dukan madan jong ki briew ha ki lynti iaid kjat bad ki rud surok nalor ka jingkynnoh ba ki hap siew bai ai jingiada ne protection money sha ki katto katne ki riew shimet.

Ka Iingkashari kala pynpaw ruh ia ka jingbym sngew iahap ba ki nongshongdukan madan kin pynlong jaka iadie iathied ha ki lynti iaid jong ki paidbah kaba la paw ha baroh kawei ka Nongbah Shillong bad Tura, ki artylli ki jaka sor ba heh ka Jylla bad shawei shawei ruh kumjuh.

Haba kylli, u Myntri ka Tnad Ain ula kubur ba ka don ka jingbym biang halor kane ka kam namar ka jingshisha baka don ruh ka ain ka sorkar Pdeng.

“Mynta ba ngi la mynjur ban pyntreikam ia ka Ain ka Sorkar Pdeng, kan sa nang kham shai kane ka kam kaba la pynpaw da ka Iingkashari” ula ong.

Share post:

spot_img
spot_img

Popular

More like this
Related

Assam | Naduh 29 tarik Jylliew yn sdang biang ka jingshakri ki rel ha NE

Guwahati, Jylliew 29: Ka leit ka wan da ka...

Nang suhthied ka NPP ha Manipur | Ia ka NPP la kha ha NE bad ai ka jingshakri ia ki paid NE : Conrad

Shillong, Jylliew 29: Ka National People’s Party (NPP) ka...

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...