Mynta yn hiar u CM bad ki Myntri Sorkar sha Mukroh
Shillong, Naiwieng 22 : Ka Sorkar Meghalaya Democratic Alliance kala rai ban dawa na ka Sorkar Pdeng ba kan thung ia ka jingtohkit daka kynhun National Investigation Agency (NIA) ne ka Central Bureau of Investigation (CBI) halor ka jingjia ha Mukroh, West Jaintia Hills District.
Cabinet met today to discuss in detail the incident that happened this morning in Mukroh, West Jaiñtia Hills District based on the report presented by officials and the report from ground zero by Home Minister @LahkmenR who visited the incident spot & Mukroh village@AmitShah pic.twitter.com/hoL1kyo40T
— Conrad Sangma (@SangmaConrad) November 22, 2022
U Myntri Rangbah ka Jylla Conrad K Sangma ryngkat bad katto katne ngut ki Myntri kin sa hiar sha Delhi ha ka 24 tarik Naiwieng ban iakynduh ia u Myntri kam Pohiing, u Amit Shah bad ban buh ia kane ka jingdawa hakhmat jong u.
Ia kane ka pyntip da u Myntri Rangbah ka Jylla haba iakren bad ki lad pathai khubor hadien ka jingialang ba kyrkieh jong ka Kynhun Myntri hynne ka janmiet.
Haduh san ngut ki nong Meghalaya kila iap na ka jingther kuli jong ki Pulit Assam hynne ka step sngi ba-ar, kiba la wan rung jubor shapoh u pud u sam ka Jylla bad pyni bor ia ki nongshongshnong.
“Ha kane ka jingleit Delhi, ngin sa iakynduh ruh ia ka National Human Rights Commission (NHRC) bad kin sa aiti ia ka kaiphod jong ka jingjia sha ka Commission” ula pyntip.
While we appeal to GoI for a Central Agency to take over the investigation, the SIT will start conducting the investigation. When the appeal is approved by GoI, the investigation will be handed to them
— Conrad Sangma (@SangmaConrad) November 22, 2022
Ha kajuh ka por, u Myntri Rangbah u pyntip baka Sorkar kala rai ruh ban thung ia ka jingtohkit jong ka Special Investigation Team (SIT) ka ban tohkit ia ka case kat kum ka FIR bala ujor bad ia ka SIT yn khlieh da u Deputy Inspector General (DIG) ka Eastern Range.
“Katba ngi dang kyrpad ia ka Sorkar India ban thung ia ka NIA ne CBI ban tohkit, ka SIT kan nang sdang iala ka jong ka jingtohkit. Ynda ka Sorkar India kala mynjur, ia ka jingtohkit yn sa aiti noh sha ki” ong u Myntri Rangbah.
U Conrad u iathuh ba ka Sorkar kala rai ruh ban thung ia ka Judicial Commission kat kum ka Commission of Enquiry Act, 1952 ka ban khmih ia kiei kiei baroh haba iadei bad kane ka jingjia.
Kum ka dak ka jingburom ia ki mynsiem bala khlad noh, u Myntri Rangbah u pyntip ba ka Sorkar kan pynsangeh shuwa ia baroh ki prokram jong ka Sorkar tad haduh ka 30 tarik u Naiwieng 2022 bad kumjuh ruh la rai ban pynsangeh ia baroh ki tamasa ha kino kino ki bynta jong ka Jylla.
U Myntri Rangbah u pyntip ba lashai ka sngi ka 23 tarik Naiwieng, na ka liang ka jong u, u Symbud Myntri Rangbah bad katto katne ngut ki Myntri Sorkar kin sa hiar sha Mukroh ban iakynduh ia ki lanot bad ban aiti ruh ia ka song jingiarap sha kine ki Longiing.
6. A Judicial Commission under the Commissions of Enquiry Act 1952 will be constituted to look into the incident
Tomorrow, Deputy CM, myself & a few Cabinet Ministers will travel to Mukroh village to visit the bereaved families & handover the ex gratia cheques to the families.
— Conrad Sangma (@SangmaConrad) November 22, 2022
