Shillong, Nailar 24: Ka Sorkar Jylla kala rai ban sa wanrah ia ka National Law University of Meghalaya Bill, 2022 ha ka Dorbar Synrai jong ka Iingdorbar Thaw Ain ka Jylla ka ban sdang naduh ka 9 tarik Nailur.
Haba pyntip ia kane hadien ka jingialang jong ka kynhun Myntri, u Myntri ka Tnad Ain James K Sangma ula ong ba kane ka urlong hadien b aka Sorkar dang shen kala mynjur ia ka National Law University of Meghalaya Ordinance, 2022.
“Ia kane ka Ordinance hap ban pynkylla sha ka Draft Bill bad mynta ngin sa wanrah noh ha ka Dorbar synrai ban wan” ula ong.
Ka Sorkar Jylla kala rai ruh ban shna noh ia ka National Law University ba T. 6 klur shiteng hapoh ka Jylla.
Haba pynbna ia kane kham mynshuwa, u Myntri Rangbah ka Jylla Conrad Kongkal Sangma ula pyntip b aka University kan treikam shuwa mynta na ka campus ba shipor tad haduh ban da ioh iala ka jong ka campus. Haduh 60 ngut ki samla kin ioh rung klas manla u snem.
U Myntri Rangbah ka Jylla u pyntip ba ka jinghap bei pisa jong ka Sorkar manla u snem kan long kumba T. 6 klur shiteng kaba shong ruh kat kum ka jingdon ki tiar ki tar bad ki jingtei.
