Shillong, Naiwieng 09 : Ka Sorkar Jylla hynne ka sngi Balang kala rai ban thaw noh la ka jong ka Recruitment Board na ka bynta ki Doktor, ka ban jer kyrteng kum ka Meghalaya Medical Services Recruitment Board.
In order to regularize & to ensure the procedure for interviews & selection takes place for these posts, the process for recruiting them have to be initiated proactively so that services can be given to the people and hence, this important decision was taken by the Cabinet today.
— Conrad Sangma (@SangmaConrad) November 9, 2022
Ia kane ka rai la shim da ka jingialang jong ka Kynhun Myntri haba pynshong nongrim ia ka jingduna doktor ha Jylla kaba kot haduh 176 tylli ki kam ba lait jong ki doktor specialist bad 366 tylli jong ki General Doktor.
U Myntri Rangbah ka JyllaConrad K Sangma ula ong ba kane ka dei ka jingeh namar ba ka Meghalaya Public Service Commission (MPSC) kam shym la lah ban pynlong ia ki interview bad ki jingdonkam baroh naduh u sne 2017.
“Kawei ka dei namar ka Covid bad wat hapdeng kane, namar ka jingpynlong ia ki eksamin thungkam jong kiwei kiwei ki Tnad, ka MPSC kam shym la lah ban pynlong ia ka eksamin thungkam ne interview ia ki doktor” ula ong.
“Khnang ban lah ai ia ka jingshakri kaba biang sha ki paidbah, namar kata la mynjur ban thaw ia ka Meghalaya Medical Services Recruitment Board” bynrap u Conrad.
