Shillong, Nailur 12 : Ka Sorkar Meghalaya kala rai ban thaw ia ka State Water Informatics Centre (SWIC) ban lum ia ki jingtip kiba iadei bad ki Um ki wah hapoh ka Jylla.
Haba pyntip ia kane hadien ka jingialang jong ka Kynhun Myntri hynne ka sngi Ba-ar, u Myntri Rangbah ka Jylla Conrad K Sangma ula ong ba ka jingthmu ba hakhmat eh jong ka SWIC ka long ba kan long ka Agency ka ban lum ia ki jingtip kiba iadei bad ki um ki wah ha ka Jylla la ka dei ka umslap, ka jingrben ka um ha ki Wah, ki Catchment Area, ki shyngiar bad kan peitngor ia ki baroh shisnem.
“Ka SWIC kan iasam ia ki jingkhein jingdiah bad ki Tnad kum ka PHE, ka Tnad Soil, Agriculture, Disaster Management bad kiwei kiwei khnang ba yn lah ban shim rai kiba iahap kat kum ki jingtip ba lum. Kane ka dei ruh kaba la bthah da ka Ministry of Jal Shakti ka Sorkar India” ong u Conrad.
Ula pyntip ruh ba ka Kynhun Myntri kala mynjur ia ka jingtyrwa ban buh ia ka SWIC bad ka Nodal Agency kan dei ka Tnad Water Resources.
Pule lang ia kane: Ai khublei u CM ba wan jngoh u PM ia ka Stall Ryndia ka Meghalaya ha ka G20 Craft Bazar
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ban lum ia ki jingtip kiba iadei bad ki Um ki wah hapoh ka Jylla.){kind=link}