Shillong, Naitung 19 : Ka Sorkar Jylla kala rai ban pyndep noh kham kloi ia ki kam ba iadei bad ka jingiapynbeit bad ka Harijan Panchayat Committee (HPC) halor ka jingtyrwa ban pynkynriah noh ia ki 342 tylli ki Longiing na Them Metor, Them Iew Mawlong.
Ia kane ka rai la shim ha ka jingialang bala pyniaid da u Symbud Myntri Rangbah ba khmih ia ka tnad kam Pohiing (Police) bad Chairman ka High Level Committee Bah Prestone Tynsong hynne ka sngi Balang ha ka jingiadonlang u Symbud Myntri Rangbah ba khmih ia ka Tnad Urban Affairs Bah Sniawbhalang Dhar.
“Ngi sa shim rai noh kloi ia kane ka kam. Ki don katto katn eki bynta ba ngi dang iakren. Kyrmen skhem ba ngin lah pyndep noh kham kloi ia ka kam” ong u Bah Dhar haba iakren bad ki nongthoh khubor.
U pyntip ha ka jingialang ba khatduh, ka HPC kala buh ia katto katne ki jingkyrpad ha kaban pynkylla ia ka blueprint jong ka jingtyrwa ka Sorkar. “Hynrei ha katei ka por, ngin dang ban shong bishar ia ka jingkyrpad bad mynta ka sngi ngi la iakren halor kane ka jingkyrpad bad hadien ka jingiakren, ngin sa khot ia ki sha ka jingialang (HPC)” ula bynrap.
Ka HPC kala mynjur ban pdiang ia ka blueprint bala pynkhreh da ka Sorkar hynrei kala buh ia ki katto katne ki jingai jingmut ban pynkylla ha ki katto katne ki bynta.
U Symbud Myntri Rangbah ula kyntait pat ban iathuh kham bniah haba iadei bad kane ka jingkyrpad jong ka HPC bad ong “Ka dang don hapoh ka jingiakren. Sngewbha wat ym kyrkieh namar phin sa tip ha kine ki khyndiat por ban wan”.
Ha ka sngi Ba-ar, ka Iingkashari kala pynsngew ba ka kam ba iadei bad ka jingtyrwa pynkynriah ia ka Them Metor kala shu iaid slem shaba palat.
Lah ban kdew hangne baka Sorkar Jylla kala wanrah ia ka blueprint hadien ba ka kyntait ia ka jingtyrwa jong ka PHC ba 25 tarik Iaiong, 2022, ba ong ba ka Sorkar kan ai 200 sq meter ka jaka sha kawei pa kawei ka longiing jong ki 342 tylli ki ongoing hapoh ka European Ward nalor ban bei pisa ruh ia ka jingshna iing.
Ha ka 31 tarkk Nailar, 2022, ka Sorkar Jylla kala pynbna ia ka rai ban pynshna ia ki Iing bun mala ha ka jaka ba 2.5 acre kaba dei jong ka SMB ban pynkynriah ia kine ki 342 tylli ki Longiing na Them Metor.
 bad Chairman ka High Level Committee Bah Prestone Tynsong hynne ka sngi Balang ha ka jingiadonlang u Symbud Myntri Rangbah ba khmih ia ka Tnad Urban Affairs Bah Sniawbhalang Dhar.){kind=link}