spot_img

Rai ka seng ki samla ban khangdam ia ki jaka khappud ka Mizoram – Myanmar hadien ka jingshah pyniap ki 3 ngut ki trai shnong

Date:

Share post:

Aizawl, Lber 29 :Ka Mara ThyutliaPy (MTP), lane ka Mara youth organization kaba don ia ka headquarter ha Chhuarlung hapoh Siaha district, shathie ka Mizoram, mynta ka sngi ka la shim ia ka rai ban khangdam noh shisyndon ia ki jaka khappud hapdeng ka Mizoram bad ka Myanmar ha ki bynta ne sector ki jong ki.

Ia kane ka jingshim rai la pynlong khyndiat por hadien ba lai ngut ki briew kiba dei na Mizoram, kata arngut kiba na ka shnong Chhuarlung ki la shah pyniap dusmon ha ki bynta khappud bad ka Myanmar.

Ka kynhun seng kaba heh tam ha ki bynta jong ka Lawngtlai district, ka Young Lai Association (CYLA) ruh ka la pynrem jur halor katei ka jingshah pyniap jong ki laingut ki nongshong shnong hapoh Myanmar bad maham ba kiba kum kine ki jingjia kim dei shuh ban wan jia hadien habud.

Ki nongshong shnong ka Mizoram ki la pdiang halor ka jingeh jong ki briew hapoh Myanmar namar ka jingshah thombor ha ki shipai junta bad namar ka thma kam pohiing, ong ka jingthuh ba la pyllait da ka CYLA.

Katba shibun bah ki briew kiba la wan phet napoh Myanmar la pdiang sngewbha da kaba bsa bam nalor kiwei pat ki jingiarap da ki kynhun bapher bapher ha Mizoram, hynrei kiba kum kine ki jingjia ki lah ban pynmih ia ka jingpynphai markylliang, maham katei ka kynhun.

Nalor kata ka CYLA ka la pynpaw ruh ba kum kine ki jingjia ka lah ban pynduh noh ia ka jingiadei kaba jan hapdeng ki nongshong shnong ka Mizoram bad ka Myanmar.

Ka CYLA ka la ong, “Ngi la pynkhreh ban shim shuh shuh ia ki sienjam kiba kham pyrkhing ha kaba iadei bad ka jingphaikhmat sha ki poiwir,” bad maham ruh ba kiba kum kine ki jingjia ki lah ban wanrah ka jingbym sngewtynnad ha ka jylla ha kaba iadei bad ki powir napoh Myanmar.

Ka khun jong uwei na ki lanot u Biaksuii 48 snem rta uba dei na Siaha district, ka Baby lallensung ha ka jingkren ka la pynpaw ba ki dkhot jong ka Chin Defence Force (CDF) bad ka Mindat ha ka jylla Chin state ki dei kiba donkti halor kane ka jingshah pyniap jong kitei ki lai ngut.

Share post:

spot_img
spot_img

Popular

More like this
Related

Mynjur ka Sorkar ban mang sa T.30 klur ban pynkhuid ia ki pisa ka Ganol Hydro Project

Shillong, Jylliew 04 : Ka Kynhun Myntri ka Sorkar...

Raincoat with ‘stains’ recovered; Search for Sonam to continue tomorrow

Shillong, 4 June : East Khasi Hills Superintendent of...

Sailing into the future: Meghalaya unveils its first yacht at Umiam Lake

Shillong, June 4: Chief Minister Conrad K Sangma, today,...

Leit jngoh ka DREAM ia ka Jingtrei ka Sorkar ban pynlong Rehab Centre ha Nongstoin

Shillong, Jylliew 04: Ka Drug Reduction Elimination and Action...