Shillong, Iaiong 18: Ka ONYX bad ka Dubakh B hynne ka sngi kila iohrah ia ka nam lahduh jong ka Maitshaphrang Khasi League Basketball Tournament kaba la pynlong da ka KSU Mawlai Circle ha Mawlai Nongpdeng.
Ha ka jingiakhun ia ka Final ha ka liang ki Kynthei, ka Dubakh A kala pynliem ia ka Dubakh B da 51 la 36 point bad ha ka jingiakhun ha ka Final jong ki Shynrang ka ONYX kala pynrem ia ka Dubakh A da 76 la 70 point.
Ka samla Larihun Warjri jong ka Dubakh kala ioh ia ka khusnam kum ka Nongialehkai kaba kongsan tam ha ka liang ki kynthei katba u Meban Shadap jongka ONYX ula ioh ia katei ka khusnam ha ka liang ki Shynrang.
U President ka KSU u samla Lambokstarwell Marngar kum u Kongsan, u Bah Donald Wahlang u Secretary jong ka Meghalaya Basketball Association bad u General Secretary ka KSU u samla Donald Thabah kila sam ia ki khusnam sha ki nongjop ha katei ka jingiakob ialehkai Basketball.
Ki kynhun kiba la iohrah ia ka nam lahduh kila ioh ia ka khusnam ryngkat bad ka song pisa kaba T.40,000 bad ki kynhun kiba la shah rem noh ha ka Final kila ioh ia ka khusnam bad ka song pisa kaba T.30,000.
