Shillong, Naitung 1 : Ka Khasi Students’ Union (KSU) kala pynpaw ia ka jingpyrshah ba kiwei ki Jaid bynriew riewlum na kiwei pat ki Jylla ka thain Shatei Lam Mihngi kila ioh ia ki jingmyntoi kum ki Scheduled Tribe (ST) ha Meghalaya hapoh ST Order, 1951, bad ka Sorkar Jylla kala thung mynta ia ka Committee ban shong bishar ia kane ka kam, ong u President ka KSU samla Raymond Kharjana ha ka sngi Balang.
U Samla Raymond haba kren hadien ba ka Central Executive Committee kala iakynduh ia u Myntri Rangbah ka Jylla Conrad K Sangma ban iakren ia ki jingdawa ba 20 tylli ki mat.
“Kawei na ki ka iadei bad ka ST Order, 1950, ha kaba ngi la iohi ba ki Jaidbynriew riewlum (na kiwei ki Jylla ka thain Shatei Lam Mihngi), kila ioh lang ia kajuh ka hok bad ki jingmyntoi kum ki riewlum trai muluk ka Meghalaya” ong u samla Raymond.
U iathuh ba u Myntri Rangbah ula pyntip ia ka kynhun ba ka Sorkar kala shimkhia ban khmih ia ka dorkhas bala phah da ka Seng ha u bnai bala dep.
“Halor kane, u Myntri Rangbah ula pyntip ba hadien ba iohpdiang ia ka shithi ka seng ha ka 8 tarik Jylliew, ka Sorkar kala thung ia ka Committee kaba khlieh da u Symbud Myntri Rangbah” ula ong.
Ka Committee kan khmih ia ki jingeh bala pynsngew da ka KSU ba iadei bad ka jingai lem ia ki jingmyntoi ba ioh ki ST sha ki jaidbynriew ki bym dei ki trai muluk ka Meghalaya, ong u samla Raymond.
 kala pynpaw ia ka jingpyrshah ba kiwei ki Jaid bynriew riewlum na kiwei pat ki Jylla ka thain Shatei Lam Mihngi kila ioh ia ki jingmyntoi kum ki Scheduled Tribe (ST) ha Meghalaya hapoh ST Order, 1951, bad ka Sorkar Jylla kala thung mynta ia ka Committee ban shong bishar ia kane ka kam, ong u President ka KSU samla Raymond Kharjana ha ka sngi Balang.){kind=link}