Shllong, Nailur 08 : Ka Khun Hynniewtrep National Awakening Movement (KHNAM) kala pynpaw ia ka jingpyrshah kaba jur halor a jingthung ia ka para jong u Myntri Rangbah ka Jylla bad MP barim ka Tura, ka Agatha K Sangma, kum ka Chairperson ka Meghalaya State Commission for Protection of Child Rights (MSCPCR).
“Ka party ka pynpaw ia ka jingpyrshah ha ka jingpyni pyllein pyllein ia ka bor synshar da ka Sorkar MDA” ong u Working President ka KHNAM Bah Thomas Passah ha ka kyrwoh ha ka sngi Saitjain.
“Ka jingthung ia ki Advisor, Chairman, Vice Chairman bad kiwei kiwei ha ka jingpynlut na ka pla tyngka ka Jylla kala paw tyngkrein ia kaba ki paidbah kila pynpaw ia ka jingsngewkhia bad jingbym sngewhun. Mynta da ka jingthungkam biang la paw shai ba ka Sorkar MDA kala thungkam tang iala ki bahaiing hasem bad briew ka party tang ban pynthikna ha kaban bat jubor ia ka bor. Kane ka dei ka jingsynshar dondor” ula ong.
U Bah Passah ula ong “Ngi kyndit ban tip ba u James Sangma ruh ula don bynta lang ha kane ka rai hakaba ula phah ia ka jingtyrwa da ka jingthoh sha ka Sorkar. Mynta, kumno u riew paidbah u lah ban ong eiei ha ka rai jong ka Sorkar. Ngi tip ba ki seng sain pyrthei kiba don ha ka MDA kin nym pyrshah ia kane ka jingthungkam bahaiing namar ki ruh ki ioh bynta lem ha ka jingthungkam ia ki riew sain pyrthei”.
