Pyrshah jur ki Nongtrei ka MeECL ban pynlong ain ia ka Electricity (Amendment) Bill

Date:

Share post:

Shillong, Nailar 08: Ki Nongtrei kynthup ki Engineer jong ka Meghalaya Energy Corporation Limited (MeeCL) kiba don ha ka lama jong ka Coordination Committee of Registered MeECL (Employees) Associations and Unions (CCORMAU) kila pyrshah jur ban pynlong ain ia ka Electricity (Amendment) Bill 2022 ba thmu wanrah da ka Sorkar Pdeng ha Parliament.

Haba iasnohkti lang bad ka jingiakhih bala pynlong ha baroh kawei ka Ri, ki Nongtrei ka MeECL bad ki Engineer kila pynlong ia ka jingiakhih da kaba sangeh treikam haduh arkynta ha Lumjingshai, Shillong bad ha baroh ki District Headquarter ka Jylla hynne ka sngi.

U President ka CCORMAU Bah PK Shullet ula ong baka Sorkar Pdeng kala wanrah kyrkieh ia ka Amendment Bill ha kane ka Dorbar Lyiur watla kane ka Bill kam shym la paw satia ha ka thup jong ki Bill ban mynjur da ka Iingdorbar. Ula pyntip ruh ba ia kane ka Bill la pynsangeh ban wanrah mynta la bun bun snem.

“Ka long kaba sngewsih baka Sorkar Pdeng kala shu rai kynsan kynsan ban pynlong ain ia kane ka Bill ha kane ka Dorbar Lyiur” ong u Bah Shullet.

“Da ka jingmynjur ia kane ka Bill, kan sa wanrah jingkylla ha ka jingtreikam ki kompani sam bording bad kan ktah jur ruh ia ki nongpyndonkam bording. Ki kompani ba sam bording kin hap ban da ioh jingbit tang da kaba register bad tang hapoh 60-70 sngi lada ym ai jingbit ia ki, la khein beit beit ia ki ba kila lah ban sam bording kum ia kiwei kiwei ki mar” ong u Bah Shullet.

Da ka jingmynjur ia kane ka Bill, ki kompani shimet ki lah ban wan bad sam bording ha ka Jylla ha ryngkat bad ka MeECL bad kane kan sa ktah jur ia ki nongpyndonkam bording, ong u Bah Shullet.

Une u Nongialam ki Nongtrei ka MeECL ula ong ba da ka jingdon ki kompani shimet, kan sa mih ka jingiajied ia ki nongpyndonkam bording- kata ki nongpyndonkam bording ki bym ioh subsidy kin sa leit sha ki kompani shimet katba kiba ioh subsidy (ba duk) kin neh bad ka MeECL bad kane kan sa ktah jur ia ka pla iarong ka Jylla.

Haba kylli, u Bah Shullet u pyntip ba ka sienjam ban sa shim hadien kan long kat kum ka jingbthah jong ka NCCOEEE.

Share post:

spot_img

Popular

More like this
Related

Army Brigadier accused of sexual harassment, intimidation by junior officer’s wife in Shillong

Shillong, March 14: A senior rank Indian Army officer...

Meghalaya govt to consult all stakeholders on Investment Promotion Act rules

Shillong, March 14: The state government has assured to...

Tehlakam ka Sorkar ia ka shongsuk shongsain ha Jylla

Shillong, Lber 14: U Myntri Rangbah ka Jylla u...

Shah ujor u heh ophisar Army ba leh khlem akor ia ka kurim u Colonel

Shillong, Lber 14: Uwei u heh ophisar shipai jongka...