spot_img

Pyrshah jur ki 4 Shnong ban buh bonded warehouse ha shnong Domsaw

Date:

Share post:

Shillong, Nailar 08 : Saw tylli ki Shnong ka thain Nongstoin, West Khasi Hills, kila pynpaw ia ka jingpyrshah kaba jur ia ka jingthmu ka tnad Excise ban ai jingbit ha ka ban buh ia ka bonded warehouse ha ka shnong Domsaw.

Kine ki saw shnong ki kynthup ia ka Nongjylliej, Tynrongwahladew, Sohlait bad Lawse.

Ki nongshongshnong jong kine ki saw tylli ki Shnong, kila iamih paidbah ha ka step Sngi Thohdieng ban ap ia ka jingwan jong u Superintendent ka Tnad Excise ka West Khasi Hills, ha shnong Domsaw, uba thmu ban wan pynshai paidbah halor kane ka bonded warehouse.

Kane ka jingwan u Superintendent ka dei kaba la pynbeit da ka shnong Domsaw ba un wan pynshai hadien ka jingai ia ka No Objection Certificate ne NOC ban buh ia ka bonded warehouse hapoh ka shnong. La pynbeit ba kane ka jingwan une u Ophisar kan long ha ka por 8 baje mynstep.

Ki paidbah ki saw shnong kila iamih naduh ka por 7 baje mynstep ban ap ia une u Ophisar hynrei la ong ba kat haduh ka por 11 baje ruh, naka liang ki bor ka Tnad Excise ki khlem wan mih satia.

Namar ka jingbym wan shuh une u Ophisar, ki Nongialam Shnong jong kine ki saw shnong ba kynthup ia u Bah Medral Kharbani, Rangbah Shnong ka Nongjyllieh, Bah Smowell Syiem, Rangbah Shnong ka Tynrongwahladew, Bah Arnes Thyrniang, Rangbah Shnong ka Sohlait bad ka President ka Seng Longkmie ka Nongstoin Area kila pynlong noh da ka jingialang paidbah ban pynshai ia ki nongrim halor kane ka jingpyrshah ia ka jingwanrah ia ka bonded warehouse ha ka thain.

Ha kane ka jingialang, ki Nongialam Shnong kila rai ruh ban thaw noh da ka Synjuk ki Nongsynshar Shnong ban pyrshah ia kane ka jingthmu bad ban leit ai jingthoh sha u Deputy Commissioner ka West Khasi Hills ba un pynsangeh ia ka jingai jingbit.

Share post:

spot_img
spot_img

Popular

More like this
Related

Iakynduh u CM ia ki Nokma ka ri-lum Garo | Iakren ia ki jingeh ka GHADC

Tura, Nailar 29 : U Myntri Rangbah ka Jylla...

Phah tuklar u MDC ha ka KHADC ba kynnoh pyntreikam ia ki skhim 15th FC ha ka SMB

Shillong, Nailar 29 : U MDC ka Laban-Mawprem constitueny...

Maham u SP ia ki kali kit khyndew/shyiap ba iaid ha surok

Shillong, Nailar 29: U Superintendent of Police (Traffic) K...

Khie im biang ki khana puriskam u Khasi da ka phlim Apot-ka khana u Tiewlarun

Shillong, Nailar 29 : Ki khana puriskam tynrai u...