Guwahati, Naiwieng 03 :Ha kawei ka jingjia ka bym ju kham jia koit hapoh Cachar district ka Assam, u headmaster jong ka skul la iohi ba ju shang makia hapoh ka jaka iew ha ki kynta por long skul.Haba u nongpathai khubor ula pyrshang ban iaid lang bad u, une u headmaster ula leh kiar bad phet krad noh na katei ka jaka.
La kynnoh ba une u headmaster ula pynkut ia ka por long skul tang haduh ka por 12 baje mynsngi man la ka sngi bad pynlut por ha kaba leit shangkai sha ka jaka iew.
Kane ka jingjia kala jia hapoh Cachar district ka Assa.Ia une u headmaster la tip kyrteng kum u Madhusudan Das uba dei u headmaster jong ka Singia Basti Primary school kaba don haduh palat 100 ngut ki khynnah bad hynriew ngut ki nonghikai hapoh Cachar hajan khappud ka Assam bad ka Mizoram.
U Das la ong ba ula shang laitluid ha ka jaka iew hadien ba la khang khyrdep ia ka skul hadien jong ka 12 baje mynsngi.Na ka liang une u headmaster ula pynpaw ka jingkyndit ban iohi ia u nongpathai khubor uba dang pyrshang ban ringdur ia u.
La ioh jingtip ba kane ka skul ka don hynriew ngut ki nonghikai bad palat 100 ngut ki khynnah skul.Hynrei, watla katta la kynnoh ba kam shym la don ka jingshim khia kaba iadei bad ka rukom shim klas na ka bynta ki khynnah happoh kane ka skul.
Kumta ruh kane ka jingleh jong ki nonghikai kala ktah ia ka rukom pule puthi jong ki khynnah skul kaba ki dei ban ioh.Kane ka pyni ruh halor ka jingbym shimkhia iala ka jong ka kamram ba la bynshet ha ki.
Ha ka por ba ka sorkar kala shim ia ki sienjam bad pynleit jingmut ban wanrah ki jingkylla khnang ban kyntiew ha ka liang ka pule puthi, hynrei la sakhi ruh halor ki jingleh bym salia jong ki nonghikai ym tang ha kaba iadei bad ki khynnah.
