Shillong, Jylliew 22: Ka Iingkashari Meghalaya High Court kala pynwai noh ia ka mukotduma Public Interest Litigation (PIL) ba ka National Green Tribunal (NGT) kan shim ia ki sienjam ba pyrkhing ha kaban khang noh ia ka jingtih syiap hapoh ka Jylla.
Ha ka hukum ba pynmih ha ka sngi ba-ar, ka Iingkashari Full Bench, kala ong “Ia ka jingbishar ia kane ka mukotduma la khylliap noh da ka jingkyrmen ba ka NGT kan shim ia ki lynti ha kaban khang noh ia ka jingtih syiap hapoh ka Jylla”.
U Amicus Curiae S Sen ula pyntip ba ka NGT kala phaikhmat sha kane ka kam tih syiap be-aiñ hapoh ka Jylla bad ia kane la lap ruh ba ka don ha ka hukum ba la pynmih ha ka 24 tarik u Jymmang 2022.
Ha kajuh ka por, ka Iingkashari kala bthah ia ka tnad ba dei khmih ba kan phah ia ka copy jong kane ka hukum sha ka Eastern Bench jong ka NGT kaba don ha Kolkata.
