Shillong, Rymphang 10: U Symbud Myntri Rangbah ba khmih iaka tnat Urban Affairs Bah Sniawbhalang Dhar u la pynbna ba ki don katto katne ki Project ha sor Shillong kiba la jan dep bad la khmih lynti ba yn plie paidbah noh hadien ka snem mang tyngka.
“Ka jingpyntrei iaki bun tylli ki Project kila iaid shakhmat ha man la ki jaka” ong u Bah Sniawbhalang haba pynpaw ia ka jingkyrmen ba iaki Project yn pyndep haka por bala buh.
U Bah Sniawbhalang u la kdew ba ka Polo Shopping Complex ka la dep bad la dep ruh ban plie paidbah, katba ïa ka MTC ha Khyndai Lad la khmih lynti ban plie paidbah noh ha u bnai Jymmang ne Jylliew.
U la pynpaw ruh ba ka jingpyntrei ka dang ïaid shakhmat iaka New Secretariat bad katto katne ki jaka ieng kali ba la khmih lynti ban plie hadien u bnai Lber.
“Nga tharai hadien u bnai Lber, yn sa plie ia ki bun tylli ki jaka pynieng kali” u la ong.
