Shillong, Nailar 21: U Symbud Myntri Rangbah ba khmih iaka tnat pynroi sor u Bah Sniawbhalang Dhar u la ong ba bun na ki projek jong ka Shillong Smart City ki dei kiba la dep bad don ruh kiba dang iaid shakhmat.
Haba kren sha ki lad pathai khubor u Bah Sniawbhalang ula pyntip ba kumba 15-17 tylli ki projek hapoh ka smart city ki dang don haka jingpyntrei mynta, ha kaba la buh ia ki por bapher bapher na ka bynta kawei pa kawei ka projek.
U Bah Sniawbhalang u la kdew ba watla ki lah ban don ki jingeh ha kaba sdang, hynrei mynta ki jingpyntrei iaki projek ki iaid bha.
U khmih lynti ba baroh ki projek kin pyndep hapoh shisnem, kaba ïahap bad ka thong jong ka Sorkar ban pyndep ïa ki projek jong ka Smart City Mission ha u snem 2026.
U Symbud Myntri u la pyntip ba ka projek kaba dei ka jaka ieng kali kaba don hajan ka Additional Secretariat ka la jan dep.
“Ka Sorkar ka dang iakren mano ban pyniaid ia ki jaka ieng kali, da ka jingthmu ban iatreilang bad ki Rangbah Shnong ha ki jaka bym dei jong ka Municipal bad daka tnat Municipal ha ki jaka jong ka Municipal,” u la ong.
Halor ka jingkylli, u Symbud Myntri u la ong ba iaka street parking policy la khmih lynti ban treikam pura ha kaba kut jong u snem 2025.
