Shillong, Nailar 21: U Kpa Bakhuid Pope Leo XIV ula ai ia ka jingkyrkhu apostolic sha baroh ki nongshongshnong ka Jylla Meghalaya ha ka jingiakynduh markhmat bad u Symbud Myntri Rangbah ka Jylla Bah Prestone Tynsong ha Vatican.
U Bah Prestone ula ioh iakynduh ia une u Nongsharai Ba hakhlieh duh ka Balang Catholic ha ka sngi Balang ka 20 tarik Nailar-kaba long ruh ka jingiakynduh ba nyngkong eh napdeng ki nongialam bad nongshongshnong ka Meghalaya ia u Kpa Bakhuid.
Ha ka por jong ka jingїakren iakhana jong ki para marwei, u Pope u la ai їa ka jingkyrkhu apostolik ia u Bah Prestone bad ki paid nongshongshnong jong ka Jylla baroh kawei.
U la phah rah rúh їa ka jingkhublei bakyrpang lyngba u Bah Prestone, sha ki nongshongshnong ka Jylla haba pynshlur bad pynthikna їa ka jingkongsan jong ka jingtrei shitom ban wanrah їa ka jingsuk bad ka jingїatylli ha ka jylla.
U Kpa Bakhuid u la khublei їa ki jingtrei shitom jong ki Nongsaiñ Hima bad ki Nongsharai Mynsiem jong ka jylla ha kaban tem їa ki jingeh ba har rukom kiba la wan bsuh sop sop hapoh ka jylla.
