Shillong, Lber 25 : U Myntri Rangbah ka Jylla Conrad K Sangma ha ka sngi Balang ula pynpaw ba ia ka rai ban pynlong ia ka elekshon Garo Hills Autonomous District Council (GHADC), kaba la pynjlan namar ka jingkulmar ba pyrshah ia ka jingioh iashimbynta ki bar jylla, yn sa shim hadien ka jingiasyllok bad ki nongialam ka Council.
Kane ka jingkren jong u, kala mih shisngi hadien ba u Lat ka Jylla CH Vijayashankar ula ai jingmynjur ia ka amendment jong ka AD Rules ka GHADC, kaba pynlong kongsan ia baroh ki kyrtong ba kin don ia ka syrnot Scheduled Tribe (ST) ha kaban iakhun ia ka elekshon.
Haba kren sha ki nongthoh khubor, u Conrad ula og “Ngin sa peit kumno ka iaid namar kane kam dei ka kam ka Sorkar Jylla. Nga kwah ban long shai ia kane. Kum u Myntri Rangbah, ngi don hangne ban pyni lynti bad ai jingmut ia kaei kaba ngi sngew hynrei khatduh hi ka dei ka District Council kaba hap shim ia ka rai”.
“Ka District Council ka dei ka autonomous body, kumta, ngi hap ban peit bad ngi hap ban ap ia ki rai jong ka Council. Ngi la iakren bad ki nongialam ka Council, u CEM bad ka EC ba thymmai bad halor kane ka jingiakren, ngin sa peit kumno ngin jam shakhmat” ula ong.
Ka rai ban pynkylla ia ka Ad Rules kala wan jia ruh hadien ba ka Sorkar Jylla kala rai ban pynjlan ia ka samoi treikam jong ka GHADC da hynriew bnai, kaba la mih hadien ka jingiakulmar ba neh palat taiew pyrshah ia ka jingioh iashimbynta ki bar jylla ha ka elekshon ka Council, kaba la buh nyngkong ban pynlong ha ka 10 tarik Iaiong.
, kaba la pynjlan namar ka jingkulmar ba pyrshah ia ka jingioh iashimbynta ki bar jylla, yn sa shim hadien ka jingiasyllok bad ki nongialam ka Council.){kind=link}