spot_img

Pyntip ka PWD ba la pynrung їa ka surok Mawlangsu-Phodumbah ha ka PMGSY

Date:

Share post:

Nongstoin, Nailar 01 : Ka Tnad Public Works Department (PWD) kala pyntip ba kala dep pynrung ia ka surok Mawlangsu-Phodumbah hapoh ka skhim Pradhan Mantri Gram Sadak Yojana-III.

Ia kane ka pyntip da u Executive Engineer ka Tnad PWD-Nongstoin Division Bah S Massar, ha ki Nongialam ka Synjuk ki Sordar Shiphew Shnong ka thain Phodumbah, kiba la leit buddien shaphang ka surok hynne ka sngi Palei na une u Ophisar.

Ka surok Mawlangsu-Phodumbah ba jngai kumba 5 kilometer, ka dei kaba la pyntrei naduh u snem 1993-94 hynrei namar ka jingbym don ba khmih, kane ka surok kala sniew bha bad pynbor ia ki shnong ka thain ban dawa ia ka Sorkar ba kan phah maramot noh.

U President ka Synjuk Bah K.Nongbri haba їakren bad u nongthoh khubor, u la ong ba hadien ka jingїalang jong ka synjuk ha Phodumbah kaba long ha u bnai Jylliew ba la dep, ki nongїalam ka Synjuk ki la shimkhia bha halor kane ka surok bad dang ha ka sngi balang, ka la їakynduh biang їa u Symbud Myntri Rangbah ba khmih ia ka Tnad PWD (Roads) Bah Prestone Tynsong, ia u Chief Secretary bad їa u Chief Engineer ka PWD.

U pyntip ba kat kum ka Detailed Project Report (DPR) bala pynkhreh da ka Ophis u Superintending Engineer ka PWD Western Circle Nongstoin, ka Sorkar kala tyrwa ban siang rong noh ia ka surok Mawlangsu haduh Mawthungmarwei kaba jngai kumba 11 Kilometer, ha ka jinglut jingsep ba kot kumba T.21 klur tam.

 

Share post:

spot_img
spot_img

Popular

More like this
Related

Kyrpad ka KJDSTA ia ka Sorkar ban pyllait ia ki Nonghikai skul Deficit na ka MEG

Shillong, Jylliew 06 : Ka Khasi Jaintia Deficit School...

Jingshah pyniap u nong Indore | Dang bteng ka jingwad ia ka kurim | Pat lapdien satia ki Pulit

Shillong, Jylliew 06 : Wat hapdeng ki jingpyrshang jong...

Jingshlei um bad twa khyndew ha Northeast | Kiew ka jingiap briew sha ka 52 ngut

Guwahati, Jylliew 6: Ka thain Shatei Lam Mihngi jong...

Phah tuklar ki bahaiing Raja Raghuwanshi ha u PM ban tohkit CBI | Pat lapdien ia ka Sonam

Shillong, Jylliew 06 : Ki bahaiing u Raja Raghuvanshi,...