Shillong, Nailar 01 : Ka Tnad Transport ha ka sngi Palei, kala pynmih ia ki jingpynbna ba tang ki kali single axle kiba khia hapoh ka 9 metric ton, yn shah ban iaid na ka Jingkieng Umiam, kaba la plie myn ha ka sngi Ba-ar.
Kat kum kane ka jingpynbna la ong ruh ba tang ki kali ba jrong haduh 2.8 meter la shah ba kin iaid lyngba ka Jingkieng.
Kane ka jingpynbna ka dei kaba la pynmih da u Commissioner & Secretary ka Tnad Transport Sanjay Goyal, kum ka sienjam ban wanrah ia ka jingshngain bad jingiada ia ka jingkieng Umiam.
La ong ba kane ka jingbthah kan treikam noh mar mar naduh ba pynbna.
