Shillong, Naiwieng 24 : Ka Deputy Commissioner ka East Khasi Hills Kong Isawanda Laloo hynne ka sngi palei, kala pyntip ba ia mynta hi ka District kam pat don hapdeng ka jingkyrduh petrol/diesel.
Kane ka Khliehduh ka District kala pynmih ia kane halor ka jingmih ki khubor hamsaia ba ym don petrol/diesel shuh ki petrol pump kaba la pynlong ia ki kali ban ieng lain ha kiba bun ki jaka ba don ki pump.
Halor ka rai ban nym pynpoi petrol/diesel jong ki nongniah tanker, kala ong ba ka District kala shimkhia ban iakren ia kane ka kam khnang ban pynthikna ba kine ki umphniang kali kin poi beit shapoh ka District bad ba ki paidbah kin nym mad jingeh.
Kumjuh ruh u Deputy Commissioner ka Ri-Bhoi ula pyntip ba ka petrol/diesel hapoh ka District kam pat duna satia kumba la mih ki khubor hamsaia bad na ka liang ka District kala shimkhia ban iakren ha kaban lah pynpoi beit ia kine ki umphniang kali hapoh ka District
