-->

Pynthikna u Himanta ban pynhap beit ia ka Block-I, II sha Karbi Anglong | Yn buh da ka Battalion ba shirta ha Lapangap

Date:

Share post:

Kular u Himanta ban ai jingiada bad kam pynroi ha ki shnong Karbi ha khappud

Guwahati, Risaw 19 : U Myntri Rangbah ka Assam Himanta Biswa Sarma ula pynbna ba ka Sorkar Assam kan sa sieh maw pud noh kat kum ka Notification ka Sorkar ba 17 tarik Naiwieng 1951, ba pynthikna ba ka Block-I, II kin hap beit ha West Karbi Anglong hapoh u pud u sam ka Karbi Anglong Autonomous Council (KAAC).

U Himanta ula pynbna ia kane ha ka jingialang bad ki Seng jong ki paid Karbi kaba long hynnin ka sngi Saitjain hadien ka jingjia umsnam ba dang shen ha Tapat (bala tip kum ka Lapangap), kaba la shim ia kawei ka mynsiem briew.

U Myntri Rangbah ka Jylla ula pyntip ba ka Sorkar Jylla kan sa shim ia ki lad jingiada kiba khlain bad ka jingtheh ia ki kam pynroi ha Tapat (bala tip kum ka Lapangap) ba kynthup ia ka jingbuh ia ka battalion camp ba shirta, ka ban ai jingiada ha kane ka thain.

Uwei u briew na Tapat ba kyrteng u Orivel Timung (45) ula iap ha ka jingkulmar kaba la jia hapdeng ki paid Karbi bad ki paid Pnar ka shnong Lapangap dang shen. Kane ka jingjia kala jia haka por ba ki paid nongshongshnong ka Lapangap ki dang leit ot kba sha lyngba hapdeng ka jing pahaea ki Pulit. Hynrei, ka kynhun ki paid Karbi kila wan mih kynsan ban pynthut, kaba lam sha ka jingiashoh bad poi sha ka jingiap briew.

Ka jingkular u Myntri Rangbah klaa wan kum ka jubab ia ka dorkhas bala aiti da kiba bun ki seng ki samla pule Karbi. U Myntri Rangbah ula pynbna ia shibun ki lad jingiada da ka jingthmu ban wanrah pat ia ka jingsuk bad pynthikna ia ka bha ka miat jong ki nongshongshnong ha kane ka thain khappud kaba jur ka jingiakynad.

Kum shibynta na ka jingkular, u Himanta ula ong ba ka Sorkar kan sa buh noh ia ka battalion camp kaba shirta ha ka shnong Tapat/Lapangap ban pynkhlain ia ki lad jingiada. Ka longiing u Orivel Timung kan ioh ia ka song pisa ba T.10 lak bad ka kam saorkar hapoh ka Karbi Anglong Autonomous Council (KAAC).

Nalor ki lad jingiada, u Himanta ula pynbna ruh ia ki sienjam ban pynkhlain ia ki lad ai jingsumar, ka pule dangle bad ki jingtei ha ki shnong khappud. Ula kular ruh ba un sa leit hi dalade sha Tapat/Lapangap ha u Naiwieng ban peitthuh ia ka jinglong jingman ha kane ka shnong.

Haba niew ia ka jingialang kum kaba sngewtynnad, ki nongialam ki seng Karbi kila pdiang ia ka jingkular ka Sorkar Jylla ban leh eiei halor ki kam ai jingiada bad ka roi ka par ha ki shnong khappud.

Ka kynhun ba iakynduh ia u Himanta ki kynthup ia ki nongialam ka Karbi Students’ Association (KSA), Joint Action Committee for Autonomous State (JACAS), Karbi Youth Association (KYA), Karbi Farmers Association (KFA), Karbi Unemployed Youth Association (KUYA), Karbi Students’ & Youth Council (KSYC) bad ka Karbi Anglong Women Justice Forum (KAWJF).

Share post:

-->
spot_img

Popular

More like this
Related

Assam CM announces 10-point initiative to honour Zubeen Garg’s legacy

Guwahati, Oct 19: Assam Chief Minister Himanta Biswa Sarma...

Yn pynkup burom ka MFA ia ka samla Bonifilia bad Alisha

Shillong, Risaw 19 : Ka Meghalaya Football Association kan...

Col CK Nayudu Trophy | Pynliem ka Baroda da 80 run ia ka Meghalaya

Shillong, Risaw 19: Ka kynhun ialehkai jong ka Meghalaya,...

Thaw histori ka India na ki thei samla ka Jylla | Pynkup burom u Bah Sanbor ia ka samla Bonifilia bad Alisha

Shillong, Risaw 19 : Ka kynhun ialehkai U-17 Women’s...