Shillong, Jymmang 20 : U Symbud Myntri Rangbah ba khmih ia ki kam Pohiing (Police) Bah Prestone Tynsong ha ka sngi Ba-ar ula pynthikna ba kan nym don satia kano kano ka jingtohkit halor ka jingkynnoh ba dang shen da ka seng Hynniewtrep National Liberation Council (HNLC) ba u Symbud Myntri Rangbah ba khmih iaka kam Pynroi Sor Bah Sniawbhalang Dhar ula bei tyngka ia ka Seng ha ka por ba u dang long Myntri ha ka Sorkar ba ialam da ka Congress.
Haba iakren bad ki nongthoh khubor, u Bah Prestone ula ong ba ka Sorkar kam sngew donkam ban pynlong ia kano kano ka jingtohkit.
“Nga ieng halor ki jingkren jong u Bah Sniawbha. Ula dep ban kren ba um don jingiadei lane ju siew pisa sha ka HNLC. Ngin leh aiu shuh?. Nga ieng ha ki jingkren jong u” ula ong haba kynthoh ia ka jingdawa jong ka seng VPP bad Congress.
“Shu khein lada don ki briew ki bym kmen ia kata, ki long kiba laitluid ban wad shuh shuh ia ki jingtip bad ia kaei kaei kaba ki kwah hynrei na ka liang ka Sorkar hi, ka jingkren jong u (bah Sniawbha) ka dei kaba ngi la pdiang” bynrap u Bah Prestone.
Haba kylli, u Bah Prestone ula ong “Ka jingtohkit aiu?. Em, peit shane lada ngi hap ban wanrah ia ka jingtohkit halor ki jingkynnoh, ngi don da ki hajar ki jigkynnoh. Hato phi mut ban ong ba ngi donkam ban tohkit ia ki hajar tylli ki jingkynnoh?. Phi dei ban sngewthuh ruh ia kaei kaba shisha”.
 Bah Prestone Tynsong ha ka sngi Ba-ar ula pynthikna ba kan nym don satia kano kano ka jingtohkit halor ka jingkynnoh ba dang shen da ka seng Hynniewtrep National Liberation Council (HNLC) ba u Symbud Myntri Rangbah ba khmih iaka kam Pynroi Sor Bah Sniawbhalang Dhar ula bei tyngka ia ka Seng ha ka por ba u dang long Myntri ha ka Sorkar ba ialam da ka Congress.){kind=link}