spot_img

Pynthikna ka KHADC | Khlem ka syrnot Khasi Tribe ym lah ai ai syrnot ST ki bor District

Date:

Share post:

Shillong, Naitung 11 : U Deputy Chief Executive Member (DyCEM) ka KHADC bah Pynshngain N Syiem, ha ka sngi Palei ula ong ba ka long kaba kongsan ban shim shuwa ia ka Khasi Tribe Certificate na ka bynta ban ai ia ka Scheduled Tribe Certificate da ki bor ba dei khmih.

“Khlem ka Khasi Tribe certificate, phim lah ban ai ia ka ST certificate” ong u bah Pynshngain haba jubab ia ka motion bala wanrah da u Nongialam ka Liang Pyrshah Bah Titosstarwell Chyne ban iakren ia ka bynta jong ka KHADC ha kaba ai ia ka Khasi Tribe kat kum ka Khasi Social Custom of Lineage Act, 1997, hapoh ka Dorbar Lyiur jong ka Council.

“Kumjuh ruh, ngim lah ban ai Khas Tribe certificate khlem ka Clan certificate bala ai da ka Dorbar Kur bad kumuh ruh ka Ophis ka DC kam lah ban ai ST certificate khlem da ka Khasi Tribe certificate” ula ong.

U DyCEM ula ong ruh “Kino kino ki bym bud ia ka jingai jait sha ka Kmie, un nym ithuh shuh ia ki kum ki Khasi bad kin ym ioh satia ia ka Khasi Tribe certificate, kaba mut ba kin nym ioh satia ia ka ST certificate”.

Haba kdew ia ka jingialang ba dang shen bala pyniaid da u Symbud Myntri Rangbah ba khmih ia ka DCA Bah Prestone Tynsong, ula ong ba ka KHADC kala kren shai ba ka Ophis ka Deputy Commissioner ka dei ban bud ia ka Khasi Social Custom of Lineage Act, 1997.

“Shen yn sa pynmih ia ka jingpynbna ba thymmai halor kane ka kam. Ia kane ka jingpynbna yn sa pynmih da ka Tnad Social Welfare ka Jylla” ula bynrap.

Share post:

spot_img
spot_img

Popular

More like this
Related

Lum ka Meghalaya ia ki Jylla NE ba iapynlong lang ia ka National Games 2027 ha Shillong

Shillong, July 26: Kum ka sienjam n aka jingpynkhreh...

Plie u CM ia ka 134th Durand Cup ha Shillong | Pynliem ka Shillong Lajong da 6 kol ia ka Malaysia

Shillong, Naitung 26: Ka Jawaharlal Nehru Stadium, sa shisien...

Phet krad lut ki nongtrei bar jylla marsien leit khynra kot ka FKJGP ha LPG Bottling Plant ka IOCL

Nongpoh, Naitung 26: Ka Federation of Khasi Jaintia and...

Pat shim rai ka HSPDP ban bujli Myntri hapdeng ki 2 ngut ki MLA hapoh ka Sorkar MDA

Shillong, Naitung 26: Hapdeng ka jingsawa ka khubor bujli...