Shillong, Naiwieng 12: Kum shi bynta jong ka jingrakhe iaka “Azadi Ka Amrit Mahotsav”, ka Brass Band jong ki BSF Meghalaya hynne ka sngi kala pynbyrngia iaki paidbah kiba leitkai ha Nan Polok ne Ward’s Lake, Shillong da ka jingthmu ban pynsaphriang iaka khubor ban don iaka jingiatylli hadpeng ki nongshong shnong ka ri bad ban long kiba ieid ri.
Kane ka kynhun tem jong ki BSF kala pynsngewtynnad ia ki paidbah khamtam ia ki nongjngohkai kiba don ha Ward’s Lake da kaba tem ia ki jingrwai ieid ri kaba la pynsngewtynnad ia baroh ki nongpeitkai ban sngap bad peit iaka jingdonsap ki BSF ha ka tem ka put.
Ki BSF kila pynlong ia ki prokram bapher ha kylleng ki jaka kiba don ha ka thain khappud bad kumjuh ruh ha kiwei pat ki jaka, kum shi bynta jong ka jingrakhe iaka ‘Azadi ka Amrit Mahotsav’.
