spot_img

Pynsngewthuh ka DREAM ia ka bynta ki VDP ha ka jingiakhun pyrshah ia u droks ha Jylla

Date:

Share post:

Shillong, Lber 24 : Ka Drug Reduction Elimination & Action Mission (DREAM) ryngkat ka Tnad Pulit ka Jylla, kala pynlong ia ka jingai jinghikai ia ki Village Defence Party (VDP) ban pynsngewthuh ia ka bynta ba ki dei ban leh ha ka jingiakhun pyrshah ia u droks hapoh ka Jylla.

Ia kane ka jingai jinghikai la pynlong ha Conference Hall jong ka Directorate of Social Welfare, Lachumiere ha ka jingiadon ryngkat u Superintendent of Police ka East Khasi Hills Bah Vivek Syiem, ki VDP na EKH, ki Rangbah Shnong, ki Seng Longkmie, ki Seng Samla bad kiwei kiwei.

Kane ka jingialang ka long kum ka rynsan kaba kongsan ban iakren ia ka bynta bad ka jingtreikam jong ki VDP ha kaban tehlakam ia ka jingdih droks bad ki kam runar kiba iadei bad u droks ha ka District bad ka Nongbah Shillong baroh kawei. Kumba 80 ngut ki nongiashimbynta kila wan na ki shnong/dong bapher-bapher bad ki VDP.

Ki nongiashim bynta ki la iatai, iathir bad ai jingmut halor ki jingeh ba ki shem bad kumno ban wad lad, wad lynti ban teh lakam ia u Drok ha ki shnong ki thaw.

Ki jingiakren ki la pynpaw ia ka jingdonkam jong ka jingiashim bynta lang jong ki paidbah, ka jingiatreilang bad ki bor pynjari ain, bad ki jingpynsngewthuh paidbah ha kaba ialeh pyrshah ia ka jingdih drok.

U SP, Vivek Syiem u la ïaroh ïa ka jingpyrshang jong ki VDP bad ban pynkhlain ia ka jingïatreilang kaba neh bad ki lad ki lynƟ kiba shimkhia ban ïada ïa ki dong jong ka Distrik bad khamtam ka nongbah Shillong.

Share post:

spot_img
spot_img

Popular

More like this
Related

Wanphai Iing ka samla Refiness Warjri hadien ka jingjop ban kiew ia u lum Everest

Shillong, June 21: Ka Refiiness Warjri, ka kynthei kaba...

Wankyrmen L Mawphlang & Filinza Hansepi win Shillong 10K Run 2025

Shillong, June 21: Wankyrmen L Mawphlang and Filinza Hansepi...

Jop u samla Wankyrmen L Mawphlang bad Filinza Hansepi ia ka Shillong 10K Run 2025

Shillong, Jylliew 21: U Wankyrmen L Mawphlang bad ka...

Phah ka Iingkashari ia ka Sonam bad u baieid Raj Kushwaha sha ka Judicial Custody

Shillong, Jylliew 21 : Ka Iingkashari ha ka sngi...