spot_img

Pynshai u CM | Pat rai ka Sorkar ban pynkynrieh ia ki Huleng na Ri-lum Garo

Date:

Share post:

Shillong, Naitung 01: U Myntri Rangbah ka Jylla Conrad K Sangma ha ka sngi Nyngkong, ula pynkut ia ka hamsaia ba mih ba ka Sorkar Jylla ka thmu ban pynkynriah ia ki Huleng (Hoolock Gibbons) na Ri-lum Garo sha ka State Zoo bad pynbna ba ka Sorkar kam pat shim rai satia ia kane.

“Ka Sorkar ka khlem pat rai ban pynkynriah ia ki huleng na ka jaka ba ki don mynta. Kam long kaba dei ba ngi thmu pynkynriah ia ki, watla ka Cenral Zoo Authority (CZA) kala tyrwa ia kane” ong u Conrad ha ka kyrwoh.

Kala mih ka jingpyrshah na ki riew ieid mrad halor ka jingtyrwa ban pynkynriah ia kine ki shrieh na Silsotchigre, kaba jngai kumba 35 km na Tura sha State Zoo ha Umtrew, Ri-Bhoi.

U Nongseng ia ka Sonja Wilflife Rescue Centre Florian Magne, uba dei na France, u dei uba hakhmat eh ban pynpaw ia kane ka jingpyrshah, da kaba kam ba ka jingpynkynriah ia kine ki shrieh sha State Zoo kan mut ba phah ia ki sha ka jingiap. Ka jingthmu jong u Florian ka long ban pyllait biang ia kine ki shrieh sha khlaw.

Ki bor Sorkar kila pynpaw ba naba ia kine ki huleng la pyllait im bad ri slem da ki briew, ka jingpyllait biang ia ki sha khlaw kan buh ha ka jingma ia ki bad pynartatien ba kin lah ban im bad sumar ialade ha khlaw.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...