Mairang, Nailur 08: Ka Tnad Social Welfare hynne ka sngi palei kala pynlong ia ka prokram ai jingpynshai ia ki Nongtrei ASHA bad Aganwadi halor ka ain ki briew ba don jingduna ha ki dkhotg met bala tip kum ka Rights of Persons With Disability Act ha Mairang.
Ia kane ka prokram la pynlong ha Tirot Singh Memorial Hall, Pyndengumiong, Mairang bad la kyrshan ia kane ka prokram da ka jingiatreilang bad ka Composite Regional Centre for Skill Development, Rehabilitation and Empowerment of Persons With Disabilities, Shillong (CRC-Shillong) kaba long kawei na ki shnat treikam jong ka tnat Social Justice and Empowerment ka Sorkar India bad ka ophis jong ka State Resource Centre for Disability Affairs, ka Commissioner of Persons With Disabilities nalor ka tnat ka koit ka khiah jong ka sorkar jylla
Ki ASHA bad Anganwadi ka thain ki la ioh jingpynshai halor kiba bun ki bynta jong ka ain kaba iadei bad ki nongshongshnong kiba don jingduna ha ki dkhot met na ki riewshemphang ba kynthup ia u Bah R. J. Wahlang uba long u Physiotherapist, i Kong I. Shadap iba dei I Clinical Psychologist, i Kong I. Wahlang iba dei i Lecturer ha CRC Shillong bad i Dr. M. Nongphud iba dei i Pathologist.
Ha kane ka prokram ai jinghikai kaba shisngi, la ioh ruh ia ka jingkren na u ophisar ba dei khmih ia ka CRC Shillong, u Ram Shakal Sahani bad u coordinator ka CRC, Shillong, u Akshay Kumar. (SDPRO, Mairang)
