Shillong Nailur 23: Ka Tour Operators Association of Meghalaya (TOAM), kala pynshai ba ka seng kam shim la lum, pynlong ne iahsimbynta ha kano kano ka jingialang kaba dang shen ha Mawkdok kumba la kynnoh ha ki katto katne ki kot khubor bad ki lad pathai khubor.
“Ngi kwah ban pynshai ba ka Tour Operators Association of Meghalaya, kam shim la pynlong, lum ne iashimbynta ha kano kano ka jingialang. Ka jingkdew ia ka Association ha kaba iadei bad katei ka bynta ka long kaba bakla bha bad ka lah ban lam sha ka jingsngewthuh bakla jong ki briew kiba donbynta lang ha ka kam, kiba don bynta ha ka kam jngohkai bad ki riew paidbah” la pynpaw u President ka TOAM u Bah E Banlumlang Blah bad u General Secretary u Bah Gerald Samuel Duia ha ka kyrwoh khubor hynne ka sngi Baar.
Kila ong, “Na ka bynta ka bha ka miat jong ka jingpynneh ia ka khuid ka suba bad ka jingbeit ryntih ha ka rukom pathai khubor. Ngi kyntu da kaba burom ia ki ophis ki lad pathai khubor ban ai lem ia kane ka jingpynshai kham kloi khnang ban khanglad ia ka jingpynsaphriang bakla ia ka khubor” la ong ka TOAM.
Ka Association ka pynpaw ba ka iengskhem ruh ha kaban iatreilang ban kyntiew ia ka kam jngohkai ha Meghalaya bad kan bteng ban iatreilang bad baroh kiba donbynta ha ka kam bad ka sngewnguh shibun ia ka jingai ka jingiatreilang ban pynmih lem ia kane ka jingpynshai.
, kala pynshai ba ka seng kam shim la lum, pynlong ne iahsimbynta ha kano kano ka jingialang kaba dang shen ha Mawkdok kumba la kynnoh ha ki katto katne ki kot khubor bad ki lad pathai khubor.){kind=link}