Shillong, Naitung 13: U Myntri Rangbah Conrad K Sangma hynne ka sngi Palei ula pyntip ba la pynsangeh shwa iaka jingiakren pynbeit pud jong ka wat ka ba ar hapdeng ka Meghalaya bad Assam namar ka jingiaid ka kam phiah Constituency jong ka Election Commission of India (ECI) ha Assam.
“Haka jingshisha, mynta ka taiew ngi la ia pynbeit bad u Myntri Rangbah ka Assam Himanta Biswa Sarma ban leit jurip iaka thain Khanduli, West Jaintia Hills hynrei namar ba ka don ka jingphiah konstitwensi hapoh katei ka jylla, la hap ban pynkynriah noh iakane ka kam sha kawei pat ka tarik” la ong u Conrad.
U Conrad ula iathuh ba naka liang u Myntri Rangbah ka Assam ula kyrpad iaka sorkar Meghalaya ban pynbeit noh iaka tarik ba thymmai ban leit jurip iaki jaka haki thain khappud hashuwa ban sdang noh ka jingiakren pynbeit pud jong ka wat kaba ar.
“Hashuwa ban kut une u bnai, ngin sa leit jurip iaka thain Khanduli hynrei watla katta ruh ki Chairman bad ki Regional Committee ki la leh iaki jingdonkam haba iadei bad ka jingsdang noh iaka jingiakren pynbeit pud” ula ong.
