Shillong, Naitung 13 : Ka Deputy Commissioner ka East Khasi Hills Kong RM Kurbah kala pynmih ia ka hukum bala pynjynsur ia ka por khang dukan miet sha ka 11:30 baje ha ki 5 tylli ki jaka hapoh ka Nongbah Shillong.
Kat kum ka jingpynbna, ka Deputy Commissioner kala pyntip ruh ba ia ka hukum ba 10 tarik Naitung, ba pynjari 144 CrPC ha ka Nongbah Shillong, kan ym treikam shuh.
Kala ong ba ka kyndon 144 CrPC kan treikam noh tang ha ki 5 tylli ki jaka bad kine ki dei na Hotel Assembly Point sha Wards Lake lyngba ka surok Oakland, baroh kawei ka Polo, Urkaliar, Quinton Road, Eee Cee Restaurant haduh Jail Road Petrol Pump.
La bthah ba baroh ki dukan/ dukan bam/restaurant bad kiwei ki dukan die mar ki dei ban khang noh hapoh ka 11:30 baje ha kine ki jaka. Ka ong ba kino kino kiba ialeh pyrshah kin shah pynngat hapoh ka kyndon 188 IPC.
