Shillong, Nailur 23 : Ka Iingkashari Meghalaya High Court kala hukum ban pynsangeh shuwa ne iehshuwa kumba ka long (status quo) ia ka jingthungkam Animal Husbandry & Veterinary Officer hadien ka jingujor ba kynnoh ba thungkam tang ia ki briew lajong (nepotism) da ka Meghalaya Public Service Commission (MPSC).
Ka Iingkashari ba khlieh da u Acting Chief Justice HS Thangkhiew ha ka hukum ba pynmih ha ka sngi Nyngkong, kala bthah ban buh iaka 25 tarik Nailur kum ka sngi ban shong bishar ia ka jingkyrpad jong ki nongmudui.
“Tad haduh kane ka sngi, dei ban pynneh kumba ka long ia kane ka kam” kala ong.
Kane kala mih hadien ba ka Iingkashari kala pan ia ka jubab na ki nongshah mudui, haba aipor ia ki arngut ba kin shim ia ki jingbthah na ki bor ba halor.
Ki nongmudui kila kynnoh ba ka rai jong ka MPSC ban pynlong beit beit da ka Interview ia kane ka kam ka long ka ba iaid pyrshah ia ka Meghalaya Animal Husbandry and Veterinary Service Rules, 2000.
Ki nongmudui kia kam ba ka Rule 7(5) jong ka Animal Husbandry & Veterinary Service Rules, 2000, ka bthah ban thungkam ha kano kano ka kam kiba dei jong ka Grade-II (Junior) lyngba ka eksam lane interview bala pyniaid da ka Commission. Ka rukom leh jong ka MPSC la kynnoh ba ka pynkhein ia kane ka Rule.
Ki nongmudui kila kynnoh ia ka MPSC b aka thmu thungkam ia ki briew lajong, da kaba pynpaw ba watla ki dei kiba don ia ka kyrdan ban trei ia ka kam, ka kyrteng jong ki kam shym la mih satia ha ka thup kyrteng bala jied.
 ia ka jingthungkam Animal Husbandry & Veterinary Officer hadien ka jingujor ba kynnoh ba thungkam tang ia ki briew lajong (nepotism) da ka Meghalaya Public Service Commission (MPSC).){kind=link}