Shillong, Naiwieng 27 : Ka Iingkashari Meghalaya High Court kala bthah ia ka Sorkar Jylla ba kan pynneh shuwa kumba ka long haba iadei bad ka jingthmu ban pynpra noh ia ka Circuit House ka Jylla.
Ia kane ka hukum la pynmih haba bishar ia ka PIL bala mudui da Registrar ka Kashari halor ka nongrim ba ka dei kaba don ia ka khana pateng bad ka jingpynkyllaia kane ka nongkynti sha ka Circuit House ka Jylla.
“Ia ane ka kam yn s abuh hashuwa b aka PIL Bench jong u Chief Justice. Dei ban pynneh shuwa kumba ka long ia kane ka nongkynti tad haduh ka sngi shong bishar ban wan” ong ka Iingkashari ba kynthup ia u Justice HS Thangkhiew bad Justice B Bhattacharjee ha ka hukum ba pynmih ha ka sngi Palei (27 Naiwieng).
“Ngi la ai ia ka affidavit ba lyngkot bad ia ka affidavit ba kham bniah yn sa ai hadien ba shong bishar ia ki kot ki sla kiba don jingiadei bad ka nongkynti” ong u Advocate General A Kumar.
U Amicus Curiae S. Chakrawarty ula pyntip ba un sa ai ia ka affidavit hadien ba iohpdiang ia ka affidavit ba bniah na ka Sorkar.
