Shillong, Jymmang 01 : U Myntri Rangbah ka Jylla Conrad K Sangma ha ka sngi Thohdieng, ula iashimbynta ha ka jingpynrung kyrteng hi dalade ialade lyngba ka kor online ne ka online self-enumeration drive jong ka khana samari 2027.
Haba thoh ha X, u Myntri Rangbah ula pynshlur ia ki nongshongshnong ba kin iasnohkti lang ha kane ka jingpynrung kyrteng dalade ialade ban iarap ia ka jinglum khana samari ka Ri.
Glad to participate in the online Self-Enumeration Drive for #Census2027. This process marks India’s first digital census.
I encourage all residents to take part in the self-enumeration process and help make this important national exercise faster, smoother, and more efficient.… pic.twitter.com/shBwMZIK5T
— Conrad K Sangma (@SangmaConrad) May 1, 2026
“Sngewkmen ban iashimbynta ha ka online Self-Enumeration Drive jong ka #Census2027. Kane ka kam ka pyni ia ka jinglum khana samari ba nyngkong eh lyngba ki kor digital ka India” ong u Conrad.
“Nga pynshlur ia baroh ki nongshongshnong ba kin iashimbynta ha ka jingpynrung kyrteng hi dalade ialade bad ban iarap ban pynlong ia kane ka jinglum samari ka ri ba kan long kaba kham sted, kham suk bad kham janai” ula ong.
Ka Self-Enumeration Drive na ka bynta ka Housing Census bad House Listing hapoh ka Census 2027 kala sdang ha Meghalaya ha ka 1 tarik Jymmang.
Ka jingpyndonkam ia ka kor digital ka ailad ia ki nongshongshnong ba kin pyndap hi dalade ia ki jing tip ba bniah halor ka iing ka sem jong ki lyngba ka kor online hashuwa ka jingwan ki nonglum khana samari.
