Shillong Jymmang 01: Ka Deputy Commissioner & Chairperson (DDMA) East Khasi Hills District, Shillong kala kyntu ia ki nongleitkai sngewbha bad ki nongkhwai ha ki wah ba kidei ban khmih ia ka jinglong jingman jong ka suinbneng bad ban shim ia ki lad jingiada ban lait na kino kino ki jingjia kiba sngewsih.
Katkum ka jingpynbna ka DC kala bthah ban pynthikna ia ka jingshngain ban lait na kino kino ki jingjia ba sngewsih ia ki nongleitkai sngewbha sha ki rud wah bad ki nongkhwai ha ki wah la kyrpad ia ki ba kin khmih bha ia ka jinglong ka suinbneng shuwa ban leit khwai doh lane sahkai ne iaidkjat sharud ki wah.
Dei ban iathuh ia ki bahaing ne ki paralok — shano phin leit bad lano phin wanphai, khmih bha iaka um namar ka lah ban kylla ha kano kano ka por bad wat tur ruma sha ki jaka bym shngain kum ki bynta ba jylliew jong ka wah, ki maw ba syntuid bad ki jaka ba jyrsieh, ki kshaid bad kiwei kiwei.
La kyntu ba dei ban phong ki jainphong kiba pynper bad rah ki tiar iada ryngkat bad ka synduk dawai, phong ki juti kiba iadei ha wah bad bym syntuid bad ban khmih bha ia ki maw harud wah namar ki lah ban syntuid khamtam ha ka por slap.
La bthah ruh ba dei ban khmih bha ia ka jinglong ka um shuwa ban khwai, wat leit khwai marwei- leit ryngkat bad ki paralok, wat dih kyaid ne jingdih ba pynbuaid ha ka por ba khwai dohkha.
La maham ruh bay m dei ban jngi sha ki bynta ba jylliew jong ka wah, watla dei u nongjngi uba tbit bad wat nym khein sting ia ka bor jong ka um namar ka jingwan kynsan u slap bad ka umsaw, ka jingbtuid jong ki maw ka lah ban wanrah ia ka jingmynsaw.
 East Khasi Hills District, Shillong kala kyntu ia ki nongleitkai sngewbha bad ki nongkhwai ha ki wah ba kidei ban khmih ia ka jinglong jingman jong ka suinbneng bad ban shim ia ki lad jingiada ban lait na kino kino ki jingjia kiba sngewsih.){kind=link}