Shillong, Nohprah 23 : Ka United Democratic Party (UDP) kala pynrem jur ia ka jingpynbthei bomb IED dang shen ha phyllaw ka Dhar Construction Company ha East Jaintia Hills, haba kyntu ia ka Sorkar JYlla ban tohkit ia kane ka jingjia bad ban pynim ia ka jingiakren bad ka kynhun kiengatiar Hynniewtrep National Liberation Council (HNLC).
Haba kren sha ki lad pathai khubor ha ka sngi Nyngkong, u General Secretary ka UDP Bah Titosstarwell Chyne ula ong “Kum ka party ngim pdiang ia kano kano ka jait kam pyntriem. Ngi kwah ia ka jingsuk bad jingshngain ha ka Jylla, hynrei ngim tip balei kum kine ki kam pyntriem ki jia. Ka dei ka kamram jong ka Sorkar bad ki bor kaAin ba in wad balei ba kum kine ki kam ki jia”.
“Ngi kyrshan ia ka jingkhot ka Sorkar ban iakren iasuk khnang ba ka jingiakren kan long biang hapdeng ki ar kynhun. Shimet hi bad na ka party, ngi kyrpad ia ka HNLC bad ki nongialam ba kin wan sha ka jingiakren iasuk. Kane kam dei ka sien ba nyngkong ba kila wan, bad ngam tip kaei kaba pynlong ia ka jingiakren iasuk ban pulom. Nga ngeit ba ka Sorkar kan shimkhia bha ia kane ka kam” ula bynrap.
Kane ka jingkyrpad ka UDP kala mih hapdeng ka jingsngew syier kaba mih hadien ka jingbthei bomb IED, kaba donkti da ki dkhot ka HNLC.
U Symbud Myntri Rangbah Bah Sniawbhalang Dhar ula iai ba ka Sorkar kan ym shu sngap ia ki kam kaikhlaw haba pynskhem biang ba ka jingkhang ka dang plie ban iakren iasuk bad ka kynhun kaikhlaw.
Ka HNLC kala kem ia arngut ki nongtrei ka HNLC halor kane ka jingpynbthei bomb.
 kala pynrem jur ia ka jingpynbthei bomb IED dang shen ha phyllaw ka Dhar Construction Company ha East Jaintia Hills, haba kyntu ia ka Sorkar JYlla ban tohkit ia kane ka jingjia bad ban pynim ia ka jingiakren bad ka kynhun kiengatiar Hynniewtrep National Liberation Council (HNLC).){kind=link}