Shillong Jylliew 28: Ka Synjuk Kynthei Jaiaw Pdeng ryngkat bad ka Dorbar Shnong Jaiaw Pdeng, kila pynpaw iaka jingsngewsih bad ki pynrem jur halor ka jingshah ktah kti jong ki ar ngut ki khynnah pule na Kerela ha lad Dr H Gordon Roberts Hospital, kaba la jia haka 24 tarik mynta u bnai.
Katkum ka kyrwoh na ka President bad Secretary jong ka Synjuk ka Kong S Khathing bad Kong W Kharkongor kila pynpaw ba kim kwah ba kum kine kiei kiei kin wan jia biang bad ban pynthohbria ia ka shnong ka thaw khamtam kaba ktah ia ki khun samla bad ia ka imlang sahlang.
Kila pynpaw, ba halor kine ki jingjia kiba la jia khah khah ha shnong, ka shnong kam banse ban hap shim noh da ki lynti kiba kham eh na ka bynta ka suk ka saiñ ha ka shnong.
