Shillong, Nohprah 25 : Ka National People’s Youth Front (NPYF) ha ka sngi Balang kala pynrem jur ia ka jingkynnoh thombor ia ki Kynthei ba phong tupia Santa ha Delhi da ki dkhot ka Bajrang Dal, haba niew ia kane ka jingjia kum ka jingleh bein niam bad ka jingpynibor ka kynhun.
Ha ka kyrwoh bala pynlait da u National President ka NPYF Bah Nickey Nongkhlaw, ka Youth Wing kala ong ba ki Kynthei kila shah pynsangeh ha ki jaka paidbah, da ka jingkynnoh pynkylla niam, ban pynbir ia ki ba kin mih na ka jaka-ka kam kaba ka seng ka ong ba kala iaid palat pud.
“Ka jingpynlong sohpdung ia ki kynthei ba ki phong ia ki jain lehkmen ba iadei bad ka Khristmas ka pyni ia ka jingpyrshang ka bym itynnad ban peit, ban pynlong kam beain ia ki jingpynpaw ia ka kolshor bad ka jingleh niam ha kane ka ri ba burom ia baroh ki jait niam” ong ka kyrwoh.
Ka NPYF ka ong ba kane ka jingjia kala wan jia ha ka por kaba ki Khristan ha baroh kawei ka ri India ki dang pynkhreh ban rakhe ia ka Khristmas, kaba pynsah kynmaw ia ka sngi kha u Jisu Khrist, ka jingleh naim kaba kyntang tam ha ka jingngeit ki Khristan.
“Ym don satio kino kino ki briew ne ki seng kiba don ia ka bor ban tohkit ia ki nongshongshnong halor ka jingngeit jong ki, ka riam ka beit lane ka jingngeit” ong ka kyrwoh haba maham ba kum kine ki kam ki dei ki jingpynkhein ia ki hok tynrai bala pynkup da ka riti synshar ka ri.
Ka NPYF ka dawa ban leh eiei noh mardor kat kum ka ain pyrshah ia ki briew ba donkti bad dawa ia ki bor ka ain ba kin leh da kaba tyngeh ban khanglad ia kum kine ki jingjia.
“Ka India ka dei kaba synshar da ka riti synshar, ym da u paidbhur” ong ka NPYF haba bynrap bad ka seng kan ym sngap jar ia ki jingshun niam, lane jingthombor ia ka burom ka ijot ki kynthei.
 ha ka sngi Balang kala pynrem jur ia ka jingkynnoh thombor ia ki Kynthei ba phong tupia Santa ha Delhi da ki dkhot ka Bajrang Dal, haba niew ia kane ka jingjia kum ka jingleh bein niam bad ka jingpynibor ka kynhun.){kind=link}