spot_img

Pynrem ka NPP ba pyniasnoh ia u Conrad Sangma bad ka jingkurup pisa na Arunachal Pradesh

Date:

Share post:

Shillong, Iaiong 05 : Ka National People’s Party (NPP) kala pynpaw ia ka jingpyrshah kaba jur halor ka jing pyrshang ban pyniasnoh ia u National President bad Myntri Rangbah ka Meghalaya Conrad K Sangma lem bad ka Party halor ka jingioh kurup pisa ha Arunachal Pradesh ha ka sngi Palei.

Ka pisa ba T. 1.25 klur la ioh kurup na kawei ka kali bym pat register, kaba bud nadien ki kali ba iaid kynhun (convoy) jong u Myntri Rangbah ka Jylla Conrad K Sangma, kaba la shah bat ha ka checkpost kaba don ha Kanubari.

U Conrad K Sangma ula leit sha Arunachal Pradesh ban ialap elekshon ha Longding, na ka bynta u kyrtong ka NPP, u ban iakhun ia ka elekshon MLA ka Arunachal Pradesh ka ban long ha ka 19 tarik Iaiong, kaba hap ruh ha kajuh ka sngi ba long ka elekshon Lok Sabha.

Haba pynshai ia kane ka jingjia, u Nongaiktien ka NPP Bah Himalaya M Shangpliang ula ong ba ka kali kaba shah bat bad ba ioh kurup pisa, kam dei satia ka kali kaba leit lang bad u Myntri Rangbah ka Jylla Meghalaya.

“Ngi ban jur ba ka kali ba ioh kurup pisa, kam dei satia kaba leit lang bad ka kynhun jong ngi, ia kaba la pynshisha ruh da u Superintendent of Police ka Longding” ong u Bah Himalaya.

Kat kum ka jingong jong u, ki kali ba iaid kynhun jong ngi kynthup ka kali ba kit ia u National President kila pyndep ia ka jingshah talasi kat kum ki kyndon bala buh jong ka elekshon bad ym shym la lap eiei ha kane ka jingshah talasi.

“Ha ka jingtalasi kali ha Kanubari check gate da ka FST, SST bad Pulit, wat ka kali u Myntri Rangbah bad ka kynhun jong u, kynthup ki kali Pulit ba pahara, kila shah talasi bad ym shym la lap eiei satia na ki” ula bynrap.

U Bah Himalaya ula ong “Ngim don jingtip eiei ia ka jingjia ba kynthup ia ka kali ba kurup pusa tad hadien bala mih ki khubor ha ki lad pathai khubor. Ka Party jong ngi kam tip eiei ia kane ka khubor bad kano kano ka jingpyrshang ban pyniasnoh ia kane ka jingjia bad u National President jong ngi, ka dei kaba khlem nongrim bad ka bym shongnia”.

Share post:

spot_img
spot_img

Popular

More like this
Related

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...