Guwahati, Iaiong 05: Ka Congress Party kala pyllait paidbah ia ka manifesto na ka bynta ka elekshon Lok Sabha kaba la khot da ka “Nyay Patra’ ha ka jingiadonlang ki heh nongialam ka party.
Ha kane ka manifesto, ka Congress kala ban jur halor ka paanch Nyay lane “san tylli ki paia ka jingbishar hok’ kynthup ka ‘Yuva Nyay’, ‘Naari Nyay’, ‘Kissan Nyay’, ‘Shramik Nyay’ bad ‘Hissedary Nyay’ nalor ki jingkular sha u paidbah kum shibynta na ki juban lak eleshon ha kane ka elekshon Lok Sabha.
Ka Congress kala kular ban pynduh pyndam noh ia ka CAA, ka Farmers’ Produce Trade and Commerce (Promotion and Facilitation) Act, bad ki lai tylli ki ain kam bymman kiba bujli ia ka Indian Penal Code, CrPC, bad ka Evidence Act.
Ha ka elekshon Lok Sabha bala dep, ka Congress kala kular ban thungkam haduh 4 ngut ngut ha ki kam ba lait thylli hapoh ki Tnad ka Sorkar Pdeng, PSU, Judiciary bad Parliament nalor ban wanrah ia ka Nyuntam Aay Yojana (NYAY) ka ban ai pisa ba T. 72,000 shisnem ia ki longiing baduk.
Kane ka manifesto kala kular ruh ban pynduh pyndam noh ia ka Prevention of Money Laundering Act 2022, ka jingbishar bniah ia ka PM Cares fund bad ka jingtohkit halor ka electoral bond scheme, ka ain ban buh da u pud ia ka jinglum khajna bad kiwei kiwei.
