Pynrem ka CPM, TMC halor ka jingshah thombor ki nongialam ka Congress ha Tripura

Date:

Share post:

Agartala, Naitung 15: Ha ka jingpynpaw ka ba kham pher, ka CPI-M bad ka Trinamool Congress (TMC) ha ka sngi Balang ba la lah ki la pynrem jur halor ka jingshah thombor ki nongialam ka Congress ha Tripura bad dawa ruh ban pynshitom ia ki nongtrei ka BJP ki ba la shah kynnoh donkti.

Ka secretary ka AICC, ka Szarita Laitphlang bad u nongialam ka Tripura Congress u Ashis Kumar Saha ki la shah thombor ha ki briew ia ki ba la kynnoh ba ki dei ki nongtrei ka BJP ha Bishramganj ha ka thain sepngi ka Tripura ha kane ka jan miet sngi ba Ar ba la lah.Watla katta baroh kitei ki arngut ki nongialam ka Congress ki la lait na ka jingmynsaw, hynrei ki kali jong ki, ki la shah pynjulor.

Da ka ba kam ba kane ka kam thombor ka ba la jia mynsngi mynshai ka dei ka ba la leh hakhmat ki heh pulit bad ki bor pahara, ki nongialam ka congress ki la ujor da ka FIR sha ki pulit da ka ba pynmih ruh ia ki kyrteng jong ki nong thombor, hynrei ym pat shym la don uwei ruh ki ban shah kem haduh mynta.

Katba ka Congress ka la pynbna ia ki jingiakhih ha baroh kawei k jylla namar ki jingjia shah thombor ba khah khah jong ki party liang pyrshah, na ka liang ka CPI-M bad ka Trinamool Congress ruh ha ka jingpynpaw kaba kham pher ka la mih shakhmat ban pynrem jur halor kane ka kam thombor.

Ka secretary ka AICC bad u Saha ha ka sngi Balang ba la lah ki la leit sha ka headquarter hapoh ka district ha ka thain shathie ka Tripura ha Belonia na ka bynta ban iashim bynta ha ka jingialang jong ka seng.

Kine ki la iathuh lyngba ki lad pathai khubor ba ka seng Congress ka la pynlong ia ki jingiakhih pyrshah halor ki jingshah shah thombor ba khah khah ha ki nongtrei ka BJP ha baroh ka jylla ka ban bteng haduh ka 17 tarik mynta u bnai.

Ka Szarita Laitphlang ha ka shithi sha u Director General of Police u VS Yadav, ka la batai bniah halor ki ba bun tylli ki jingjia shah thombor jong ki nongialam bad ki nongtrei ka Congress ha ka ba ka la kyrpad ruh ia u ba un shim ka jingpynshitom pyrshah ia ki briew ki ba donkti.

Ha ba kdew halor ka jingjia shah thombor hapoh ka headquarter jong ka Congress ha ka jylla ka ba la jia ha ka 26 tarik u bnai ba la dep, ka Szarita ka la dawa ban pynbiang pahara na ka bynta ki ophis ka party kumjuh na ka bynta ki nongialam jong ka khnang ban khanglad ia kum kine ki jingjia hadien habud.

Na ka liang ka BJP ruh ka la pynphai kylla da ka ba ong ki nongtrei jong ka ruh ki la ngat ha ka jingshah thombor ha ki nongkyrshan liang pyrshah ha ka ba ki la ujor ruh da ka FIR sha ki bor pulit.

“U Myntri Rangbah (CM) jong ngi, u Manik Saha u la dep lypa ban pynbna ba ki bor pulit bad sorkar kin ym lah ban shah halor kino kino ki jingpyrshang ban pynthut ia ka shongsuk shongsain ha ka jylla.Ka sorkar ka don ia ka jingangnud ban pynneh ia ka suk ka sain ha ka jylla.Ki pulit kin shim ia la ki jong ki sienjam pyrshah ia ki nongthombor,” ong u nongaiktien ka BJP, u Subrata Chakraborty lyngba ki lad pathai khubor.

Share post:

spot_img

Popular

More like this
Related

Kuki Apex body opts to abstain from voting for the upcoming Lok Sabha elections

Imphal, Apr 16: The Kuki Inpi Sadar Hills, apex...

Congress leader slams BJP for using ED and CBI against opposition leaders

Dibrugarh, April 16: Congress leader Pawan Khera on Tuesday slammed...

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...