Shillong Jylliew 25: U Myntri Kam Pohïing ka jylla u Bah Lahkmen Rymbui, ha ka 25 tarik u Jylliew, u la pynrem jur ia ki runar kiba la shoh la dat ia ki ar ngut ki samla kiba na Kerela ha shnong Jaiaw ha ka 24 tarik mynta u bnai.
U Bah Rymbui u la pynthikna ba ka jingtohkit halor katei ka jingjia ka dang iaid shakhmat bad ha kine ki 24-48 kynta ki pulit kin iohkem ia ki briew kiba donkti ha katei ka kam sniew.
Haba kylli, la ki pulit kila ju iohkem ia ki briew kiba donkti ha kaban shoh ban dat kiba la jia ha ki bnai kiba la dep, u Bah Rymbui u la ong, ba bun kila shah kem bad ki pulit kila dep ruh ban Chargesheet ia ki.
Ha ka 24 tarik u Jylliew, ar ngut ki samla na Kerala kiba wan leh iaka Intern bad ka
Impulse NGO kila shha shoh ha ka kynhun ki samla kiba niah da ki thuk thuk kiba don kumba 30 ngut eiei bad kala don ruh ka jingjia bad uwei uba leit pynpoi ia ki jingbam lyngba ka Swiggy Food bad uwei u pulit pyniaid Traffic kila shah ktah kti ha ki runar haka nongbah Shillong..
