spot_img

Pynpoi bill bording ka MePDCL ba kot lak tyngka sha ki longiing ha WKH

Date:

Share post:

Nongstoin, Lber 25 : Ka Meghalaya Power Distribution Corporation Limited (MePDCL) Nongstoin, la kynnoh ba kala pynpoi bill bording ba kot da ki lak tyngka sha ki longiing ka thain Nongstoin, West Khasi Hills.

Ia kane la kynnoh da ka seng Hynniewtrep National Youth Movement (HNYM), West Khasi Hills kaba la leit ban buh ia ka jingujor sha ki borkhmih ka MePDCL hynne ka sngi Ba-ar ha Nongstoin.

Kat kum ka jingiathuh u President samla Tailan Lyngkhoi, ki don ki longiing kiba la ioh pdiang ia ka bill bording kaba kot haduh T.1.14 lak.

Ula iathuh ba kaba lyngngoh ka long ba ha kane ka bill, ym shym la pynshai bniah la kane ka bill ka dei lehse ba don ki bill ba sahteng ne dei na kano ka daw ba poi ka bill haduh une u pud.

Nalor kane, la kynnoh ba ha kine ki bill la thoh ruh ia ki kyntien byrngem ban phah kem Pulit lada ym siew ia ki bill bala ai.

U samla Tailan u iathuh ba ha ka jingleit iakynduh ia ki bor pyniaid ka MePDCL ha Nongstoin, kane ka Ophis kam shym la lah satia ban pynshai satia hynrei kila kynnoh ba dei ka jingleh na ki bor kiba halor.

 

Share post:

spot_img
spot_img

Popular

More like this
Related

Kyntu ka Congress ia ka Sorkar ban pynkloi noh ia ka jingker sainar ha khappud Bangladesh

Shillong, Jymmang 08: Ka seng Congress kaba don ha...

Buhpor ka Sorkar ban tei pyndep ia ka Secretariat thymmai ha NST ha u pdeng snem 2027

Shillong, Jymmang 08 : U Myntri Rangbah ka Jylla...

Pynjari ka Sorkar da ka korphiw miet ha ki jaka khappud ka Jylla bad Bangladesh

Shillong, Jymmang 08 :Ka Sorkar Meghalaya kala pynjari da...

Maham ki Pulit ia ki kali ba pynkhein ia ki kyndon ain

Shillong, Jymmang 08: U Superintendent of Police (SP) ka...