Shillong, Nohprah 20 : U Myntri Rangbah ka Jylla Conrad K Sangma ula pynphuh samrkhie bad jingkmen ha ki durkhmat jong ki Nongtrei Sorkar da ka jingpynbna ban pyllait kloi noh ia ka tulop jong u bnai Nohprah bad ka jingmynjur ban pynkiew haduh 3% ia ka Dearness Allowance (DA).
Kum ka jingai khublei ia kane ka aiom lehkmen, u Myntri Rangbah ula thoh ha X (Twitter ba mynshuwa) ban ai khublei Khristmas ia baroh ki Nongtrei Sorkar kiba don haduh 55,000 ngut eiei.
Merry Christmas to our team of 55,000 Government Employees! We are pleased to announce that December salaries are being released early. Further DA hike of 3% has been approved. pic.twitter.com/9Wsl4Fk0tO
— Conrad K Sangma (@SangmaConrad) December 20, 2023
Khnang ba ki Nongtrei kin ioh lehkmen ia ka Khristmas bad Snem Thymmai ha ka rukom kaba dei, u Lat ka Jylla ula shim ia ka rai ban pynkiew noh ia ka Dearness Allowance (DA) bad Dearness Relief (DR) kaba dei ban siew sha baroh ki Nongtrei Sorkar, ki nongtrei bala shongthait bad ki longiing kiba ioh ia ka bai bam tynmen.
Kat kum ka jingpynbna, ia ka DA la pynkiew n aka 36% sha ka 39% bad kane ka jingpynkyniew kan treikam naduh ka 1 tarik u Naitung, 2023.
Kane ka jingbthah kan treikam sha baroh ki dkhot jong ki Work-Charge bad ki Nongtrei Casual lait noh ki Bungalow Person, kiba bat ia ka kyrdan kiba hap hapoh ka Applicable pay level kaba iaryngkat bad ki nongtrei jong kane kajuh ka kyrdan kiba hap hapoh ka regular establishment, services lane post.
Ka memo la ong ruh ba “ka Dearness Relief bala kdew ha kane ka jingbthah kan ym treikam shipor (sospon) lada ki nongtrei bala shongthait ne ki longiing jong ki nongtrei bala shongthait kila iohkam biang hapoh ka State/Central Government lane la thungkam biang ia ki hapoh ka State/Central Government Company, Corporation, Undertaking, lane Autonomous Body. Kane ka jingpynsangeh treikam ia ka hukum kan kut noh hadien ba kane ka jingaikam biang ia kine ki briew kala kut noh”.
