Shillong, Nohprah 20 : Ka Khasi Hills Autonomous District Council (KHADC) ha ka sngi Balang kala mynjur ia ka jingthaw biang (re-constitute) ia ka Khasi Traditional Medicine Commission.
Kat kum ka kaiphod jong ka Executive Committee bala wanrah da u Chief Executive Member (CEM) Bah Pyniaid Sing Syiem ha ka sngi sdang jong ka Dorbar Tlang ka Council, ia kane ka Commission la thawbiang kat kum ka KHAD (Protection and Promotion of Khasi Traditional Medicine) Act, 2011.
Kane ka Commission ba 12 ngut ki Dkhot ka dei kaba la khlieh da u CEM kum u Chairman bad u u Joint Secretary ka Executive Committee A Nonghuloo kum u Secretary.
Ki Dkhot jong ka Commission ki kynthup ia 4 ngut ki Nongai dawai kynbat Dr DL Nongspung, Dr Alka Kharsati, Dr Boss Myrthong bad Dr Dlas Rani, arngut ki nongaidawai Dr JP Lyngdoh bad Dr Sparstarlin Nongrem bad 4 ngut ki riewpawkhmat ka imlang sahlang ba kynthup ia u Dr PS Nianglang, Dr Fabian Lyngdoh, Kitboklang Nongphlang bad RS Wanniang.
